Mika 6:7 - An Bibel Kernewek 20234 (Kernewek Kemmyn)

⁷ A vydh an Arloedh pes da a vil hordh, gans degow a vilyow a avonyow oyl? A rov vy ow hynsa genys rag ow hammweyth, frut ow horf rag peghes ow enev?’

Mika 6:7 Iomraidhean Croise

2 Myghternedh 16:3

Mes ev a gerdhi yn hynsyow myghternedh Ysrael, hag a wrug dh'y vab tremena dre dan, herwydh gweythresow divlas an kenedhlow a fesyas an Arloedh a-rag pobel Ysrael.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Myghternedh 3:27

Ytho ev a gemmeras y vab kynsa-genys a vedha ow reynya a'y wosa, ha'y offrynna avel offrynn leskys war an fos. Y teuth sorr bras war Ysrael: i a gildennas ha dehweles dh'aga thir aga honan.

Job 29:6

pan o ow hammow golghys gans leth, ha'n garrek a dhevera ragov goverow a oyl!

Salmow 50:9

Ny gemmerav lodhen yn-mes a'th chi, na boghes yn-mes a'th korlannow.

Salmow 51:16

Nyns osta hwansek dhe sakrifis, poken my a'n rosa dhis; ny gemmerydh plesour yn offrynnow leskys.

Salmow 51:18

Gwra da yn dha favour orth Sion; drehav fosow Yerusalem.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Ysay 40:16

Nyns yw Lebanon lowr rag keunys an tan, na'y vestes lowr rag offrynn leskys.

Yeremia 19:5

Ynwedh i re dhrehevis tylleryow ughel dhe Baal, rag leski aga mebyon gans tan rag offrynnow leskys dhe Baal, tra na worhemmynnis, na kewsel, na ny dheuth y'm brys.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Ezekiel 23:37

Rag i re wrug avoutri, hag yma goes war aga diwla. I re wrug avoutri gans aga idolys; ynwedh i re sakrifisons dhedha aga mebyon a dhineythsons dhymm, rag boes.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 20:1

An Arloedh a gewsis orth Moyses, ow leverel:

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Filemon 1:12

My re wrug y dhastannvon dhis, – an den ma, neb yw ow holodhyon ow honan.

Breusysi 11:31

ena piwpynag a dheu yn-mes a dharasow ow chi dhe vetya genev pan dhehwelav yn kres a'n Ammonysi, an keth henna a vydh dhe'n Arloedh, avel offrynn leskys’.

Breusysi 11:39

Orth penn dew vis, hi a dhehwelis dh'y thas, neb a wrug dhedhi herwydh an ti re wrussa. Ny gosksa hi gans gour. Yndella y sevis us yn Ysrael

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.