Mika 6:15 - An Bibel Kernewek 20234 (Kernewek Kemmyn)

¹⁵ Ty a wra hasa mes ny vysydh; ty a wra trettya olivennow, mes ny omuntydh gans oyl; ty a wra trettya grappys, mes ny evydh gwin.

Mika 6:15 Iomraidhean Croise

Job 31:8

ena gas my dhe hasa, ha den arall y dhybri; ha re bo ow threvas diwreydhys.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Sefania 1:13

Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Haggay 1:6

Hwi a hasas kemmys, ha doen boghes tre; hwi a dheber mes nyns eus lowr dhywgh; hwi a yv mes ny omvedhwowgh; hwi a omwisk mes nyns yw denvyth toemm; ha'n re neb a dhendil gober a dhendil gober yn yalgh gans tell.

Yowann 4:37

Rag yndella gwir yw an lavar, “Unn den yw an gonador, ha den arall yw an myser.”

Breusysi 6:4

I a gampya er aga fynn hag a dhiswre trevas an dor, bys yn kyrghynn Gaza, ha ny asens sosten a-ji dhe Ysrael, na davas na asen vytholl.