Mika 6:12 - An Bibel Kernewek 20234 (Kernewek Kemmyn)

¹² Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Mika 6:12 Iomraidhean Croise

Salmow 120:2

Delirv ow enev, A Arloedh, dhiworth gweusyow gowek, ha dhiworth fals taves.

Salmow 35:20

Rag ny gewsons a gres, mes i a dhevis fals eryow erbynn an re yw kosel y'n tir.

Salmow 78:36

Byttegyns i a'n feklas gans aga ganow, hag a wowleveris dhodho gans aga thaves

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Yeremia 9:8

Aga thaves yw avel seth varwel; kewsel toell a wra: den a lever geryow kres dh'y gentrevek der y anow, mes yn y golonn kontrewaytya a wra.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

Sefania 1:9

Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Oberow 24:9

Ha'n Yedhewon ynwedh a gemmeras rann y'n kuhudhans, ow testa bos an taklow ma gwir.

Romanyon 3:13

Aga bryansenn yw bedh igor. I a doell gans aga thaves. Yma venim serf yn-dann aga diwweus.