Mika 5:8 - An Bibel Kernewek 20234 (Kernewek Kemmyn)

⁸ Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Mika 5:8 Iomraidhean Croise

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

Salmow 104:20

Ty a wra tewlder, ha hi a vydh nos, may slynk a-derdro oll bestes an koes.

Salmow 44:5

Dredhos y herdhyn ni agan eskerens dhe'n dor; dre dha hanow ni a stank an re a sev er agan pynn.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Lavarow Koth 30:30

an lew hag yw an kreffa yn mysk bestes gwyls ha na fi dhe'n fo a-rag onan anedha;

Ysay 5:29

Yma dhodho us kepar ha'n lew, ev a us avel lewyon yowynk; grommya a wra ha dalghenna preydh; ev a'n dre dhe-ves, ha nyns eus denvyth dh'y sawya.

Ezekiel 39:10

Ny guntellons prenn dhiworth an gwel, na'y dreghi dhiworth an koeswigow, rag i a wra tan gans an arvow; i a gemmer preydh dhiworth an re a gemmeras preydh dhiworta i, hag i a byll an re a's pyllas i, yn-medh an Arloedh Duw.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.

Zekaria 14:18

Mar ny wra teylu Ejyp mos yn-bann, na dos, warnedha y fydh an plag a wra an Arloedh y dhannvon war an kenedhlow na wrons mos yn-bann dhe solempnya goel an skovvaow.

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Niverow 24:9

Ev a blattyas, ev a wrowedhas avel lew, hag avel lewes; piw a'n gwra dhe dhifuna? Benniges re bo pubonan a'th vennik, ha milliges re bo pubonan a'th villik.’

Matthew 10:14

Ha piwpynag na'gas degemmerro po na woslowo agas geryow, pan yllowgh yn-mes a'n chi po a'n sita na, shakyewgh an doust dhiworth agas treys.

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,