Mika 5:6 - An Bibel Kernewek 20234 (Kernewek Kemmyn)

⁶ Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Mika 5:6 Iomraidhean Croise

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

1 Kroniklys 1:10

Kush a dhineythis Nimrod; ev a dhallathas bos gour galloesek war an nor.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Job 29:22

Wosa my dhe gewsel ny gewsens namoy; ow geryow a devera warnedha.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 37:37

Ena Sennagherib myghtern Assyria a omdennas, mos tre ha triga yn Nineve.

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Nahum 2:11

Ple'ma fow an lewyon, ha tyller dybri an lewyon yowynk, le may hwre an lew, an lewes, kerdhes, ha'n lewik, heb denvyth dhe worra own ynna?

Sefania 2:13

Hag ev a ystynn y leuv erbynn an kledh ha distrui Assyria, ha gul Nineve yn difeyth, sygh kepar ha'n gwylvos.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Luk 1:71

selwyans dhiworth agan eskerens, ha dhiworth dorn oll an re a'gan kas;

Luk 1:74

ma'n serfyn ev heb own, livrys mes a dhorn agan eskerens

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Dewteronomi 32:2

Ow dyskans a dhropp avel an glaw, ha'm lavar a dhever avel gluth, avel kowasow war aswels, hag avel glawas war losow.