Mika 5:4 - An Bibel Kernewek 20234 (Kernewek Kemmyn)

⁴ Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Mika 5:4 Iomraidhean Croise

Salmow 145:12

rag may hwrellons dhe vebyon den aswonn y wriansow nerthek, ha golewder meuredh y wlaskor.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 49:5

Ha lemmyn an Arloedh a lever, neb a'm formyas y'n dorr dhe vos y was, dhe dhri Yakob tre dhodho, ha may fo Ysrael kuntellys dhodho, rag enorys yth ov yn golok an Arloedh, ha'm Duw re dheuth ha bos ow nerth –

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 8:7

rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Malaki 1:5

Agas dewlagas a wel hemma ha hwi a lever, ‘Meur yw an Arloedh, hwath an tu a-ves dhe amal Ysrael!’

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Luk 1:32

Meur vydh ev, hag ev a vydh gelwys Mab an Ughella; ha'n Arloedh Duw a re dhodho tron y das Davydh,

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’