Mika 5:3 - An Bibel Kernewek 20234 (Kernewek Kemmyn)

³ Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Mika 5:3 Iomraidhean Croise

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

2 Kroniklys 30:7

Na vedhewgh avel agas tasow ha'gas breder o dislel dhe'n Arloedh, Duw agas tasow, bys ma's gwrug tra a skruth, dell welowgh.

Salmow 67:3

Re'th wormello an poblow, A Dhuw; re'th wormello oll an poblow.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Hosea 2:9

Rakhenna my a dhaskemmer ow ys yn y brys, ha'm gwin yn y seson, ha kibya dhe-ves ow gwlan ha'm lin gansa may hwre hi kwetha hy noethedh.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Mika 4:4

Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Mika 6:14

Ty a wra dybri, mes ny' fydh dha walgh, hag y fydh nown dhis y'th kolodhyon; ty a wra kuntell mes heb gwitha saw, ha'n pyth a withydh a rov dhe'n kledha.

Mika 7:13

Mes an tir a vydh ynyal drefenn y drigoryon, rag frut aga gwriansow.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.