Mika 5:2 - An Bibel Kernewek 20234 (Kernewek Kemmyn)

² Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 5:2 Iomraidhean Croise

Jenesis 35:16

Hag i a vyajyas dhiworth Bethel; yth esa hwath unn pols byghan kyns dos dhe Efrath, ha Raghel a dhallathas dineythi, ha kales veu rygdhi yn hy lavur.

Jenesis 35:19

Ha Raghel a verwis hag a veu ynkleudhys y'n fordh dhe Efrath, henn yw Bethlehem.

Jenesis 48:7

Pan dheuth vy dhiworth Padan, Raghel a verwis rybov yn pow Kanan war an fordh, hwath unn pols byghan kyns dos dhe Efrath, ha my a's ynkleudhyas ena war an fordh dhe Efrath.’ Henn yw Bethlehem.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

1 Kroniklys 2:54

Mebyon Salma: Bethlehem, an Netofathysi, Atroth-beth-yoab ha hanter an Manahathysi, an Sorysi.

1 Kroniklys 4:4

Penuel neb o tas Gedor, Ezer neb o tas Husha. An re ma o mebyon Hur: Efratha an kynsa-genys, tas Bethlehem.

1 Kroniklys 5:2

Yuda o krev yn mysk y vroder ha rewler a dheuth anodho, mes yth esa dhe Yosep an gwir genesik.)

Salmow 132:6

Otta, ni a glewas anedhi yn Efratha, ha'y havoes yn gwelyow an koes.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 2:1

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Luk 23:38

Hag yth esa pennskrifa a-ughto, ‘Hemm yw Myghtern an Yedhewon.’

Yowann 7:42

A ny lever an skryptor, Krist dhe dhos a has Davydh, hag a Bethlehem, an dre mayth esa Davydh?’

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Kolossianys 1:17

Hag yma ev a-dherag pup-tra, ha pup-tra a syns war-barth ynno ev.

Ebrowyon 13:8

Yesu Krist yw an keth de ha hedhyw ha bys vykken.

Ebrowyon 7:14

Rag pur gler yw y sevis agan Arloedh a Yuda hag a'n loeth na ny leveris Moyses travyth a-dro dhe oferysi.

1 Yowann 1:1

An pyth a veu a-dhia'n dalleth hag a wrussyn y glewes, a wrussyn y gweles gans agan dewlagas ha mires warnodho ha tochya gans agan diwleuv, a-dro dhe'n Ger a vewnans –

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Diskwedhyans 2:8

‘Ha dhe el an eglos yn Smyrna skrif: An taklow ma a lever an kynsa ha'n diwettha, a veu marow, ha devedhys yw dhe vewnans:

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Breusysi 17:7

Lemmyn yth esa gour yowynk a Bethlehem yn Yuda, a gordh Yuda. Levyas o, trigys ena.

Ruth 1:1

Ha dell hwarva yn dydhyow rewl an vreusysi, yth esa divoetter y'n tir, ha gour a Bethlehem-yuda eth dhe wodriga yn tiredh Moab, ev ha'y wreg ha'y dhew vab.

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 17:12

Lemmyn Davydh o mab an Efrathyas a Bethlehem yn Yuda, ha'y hanow Yesse, hag yth esa dhodho eth mab. Yn dydhyow Sowl an gour o seulabrys koth, gyllys y'n blydhynyow.

1 Samuel 17:18

ha kemmer an deg rann ma a geus dhe bennhembrenkyas aga mil. Ha gwel fatell yw gans dha vreder, ha dri neb tokyn anedha.’

1 Samuel 23:23

Gwelewgh ha godhvydhewgh oll an kudhvaow mayth usi owth omgudha, ha dehwelewgh arta dhymm gans derivadow sur. Ena yth av genowgh; ha mars usi ev y'n vro, my a'n hwila yn-mes yn oll an kordhow a Yuda.’

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.