Mika 4:9 - An Bibel Kernewek 20234 (Kernewek Kemmyn)

⁹ Ytho, prag y kriydh jy yn ughel? A nyns eus genes myghtern? A verwis dha gusulyador, ma'th synsis gloesow avel benyn ow tineythi?

Mika 4:9 Iomraidhean Croise

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 26:17

Kepar dell wra benyn gans flogh, ogas dhe dhineythi, gwynnel ha kria yn hy gloesow, yn kettella yth esen ni a-ragos, A Arloedh.

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Yeremia 4:21

Pes termyn y hwelav an baner, ha klewes son an hirgorn?

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 48:41

an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 50:43

Myghtern Babylon a glewas nowodhow anedha, ha'y dhiwleuv a goedhas diweres; angoes a'n dalghennas, ha gloesow avel benyn yn gwelivos.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Hosea 10:3

Lemmyn i a lever, ‘Ny'gan beus myghtern drefenn na berthsyn own a'n Arloedh. Mes pandr'a yll myghtern gul ragon?’

Hosea 13:13

An paynys a venyn yn lavur a dheu ragdho, mes ev yw mab anfur; pan dheu an prys ny yll ev dos dhe vin konna an brys.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Yowann 16:21

Benyn pan vo hi yn lavur a's teves tristyns, rag bos devedhys hy eur; mes pan yw genys an flogh gensi, ny berth hi kov a'n payn na fella, drefenn an lowena, bos den genys y'n bys.

Diskwedhyans 12:2

ha hi gans flogh y'n dorr, a armas yn gloesow, ow lavurya dhe dhineythi.