Mika 4:4 - An Bibel Kernewek 20234 (Kernewek Kemmyn)

⁴ Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Mika 4:4 Iomraidhean Croise

1 Myghternedh 4:25

Hag yth esa Yuda hag Ysrael trigys yn sawder dydhyow oll Solomon, peub yn-dann y winbrenn hag yn-dann y figbrenn, dhiworth Dan bys yn Beer-sheba.

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

Job 11:19

Ty a wrowedh, ha denvyth ny worr own ynnos; lies den a hwila dha favour.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Lavarow Koth 3:25

Na borth own a skruth distowgh, nag a dhiswrians a dheu war an debeles;

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 17:2

Sitys Aroer a vydh forsakys, hag i a vydh rag flokkys a wrowedh ha denvyth ny wra dhedha perthi own.

Ysay 22:25

Y'n jydh na, yn-medh Arloedh an luyow, y fydh removyes an ebil a veu kentrys yn tyller sur; treghys vydh, hag ev a goedh, ha'n begh esa warnodho a vydh treghys mes, rag an Arloedh re gewsis.

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Ysay 32:17

Ober gwiryonedh a vydh kres, ha siwyans ewnder a vydh kosoleth ha sawder bys vykken.

Ysay 36:16

Na woslowewgh orth Hezekia; rag yndellma y lever myghtern Assyria: “Omrewgh ha dewgh yn-mes dhymm. Ena pubonan a dheber a'y winbrenn y honan ha'y figbrenn y honan ha pubonan a yv a'y buth y honan,

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 58:14

ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Ezekiel 34:25

My a wra kevambos kres gansa, ha pellhe drog vestes dhiworth an tir, hag i a drig y'n difeythtir yn sawder, ha koska y'n koeswigow.

Ezekiel 34:28

Ny vydhons na fella preydh rag an kenedhlow, ha ny wra bestes an tir aga devorya; mes i a drig yn sawder ha nagonan ny worr own ynna.

Ezekiel 38:11

Ty a lever, ‘Yth av yn-bann erbynn tir a drevow heb fosow; my a dheu erbynn an dus kosel, trigys yn sawder, i oll trigys heb fosow, heb barrys na yetys dhedha’,

Ezekiel 39:26

I a ankev aga meth hag oll an dislelder a wrussons er ow fynn, pan vydhons trigys yn sawder yn aga thir, heb denvyth dhe worra own ynna.

Levitikus 26:6

Ha my a re kres y'n pow, ha hwi a wrowedh, ha denvyth ny wra dhywgh perthi own. Ha my a bellha tebel bestes a'n tir, ha ny vydh an kledha ow tremena der agas pow.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Zekaria 3:10

Y'n jydh na, yn-medh Arloedh an luyow, pubonan a wra gelwel y gentrevek dhe esedha yn-dann y winbrenn ha'y figbrenn.’