Mika 4:3 - An Bibel Kernewek 20234 (Kernewek Kemmyn)

³ Hag ev a vydh breusydh yntra meur a boblow, ha mayn yntra kenedhlow krev a-bell. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya na moy.

Mika 4:3 Iomraidhean Croise

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Salmow 72:7

Re vleujyowo gwiryonedh yn y dhydhyow, ha palster kres, erna hettho an loer.

Salmow 82:8

Sav, A Dhuw, breus an nor; rag ty a erit an kenedhlow oll.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 25:3

Rakhenna pobel grev a wra dha lorifia, ha sitys kenedhlow garow a berth own ahanas.

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 60:12

Rag an genedhel ha'n ruvaneth na'th serv a verow; ha'n kenedhlow na a vydh distruys glan.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Hosea 2:18

Y'n jydh na my a wra kevambos ragdha, gans bestes an gwel, gans ydhyn an ebron, ha pryves an dor. My a dhral an warak, an kledha ha'n gas dhiworth an tir, ha my a's gwrav dhe wrowedha yn saw.

Hosea 2:20

My a wra ambos dhe'th temmedhi yn lenduri, hag ena ty a aswonn an Arloedh.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Mika 5:15

Hag yn sorr hag yn konnar y talvydhav dial war an kenedhlow na obayas.

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Zekaria 8:20

Yndellma y lever Arloedh an luyow: Hwath poblow a dheu, ha trigoryon lies sita;

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’