Mika 4:2 - An Bibel Kernewek 20234 (Kernewek Kemmyn)

² Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Mika 4:2 Iomraidhean Croise

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 119:171

Ow diwweus a lever gormola, drefenn ty dhe dhyski dhymm dha ordenansow.

Salmow 122:1

Lowen en vy pan lavarsons dhymm, ‘Gwren ni mos bys yn chi an Arloedh.’

Salmow 25:12

Py den yw ev neb a berth own a'n Arloedh? Ev a dhysk dhodho y'n fordh a dhewis ev.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 42:3

may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Zekaria 14:16

Pubonan a vo gesys dhiworth oll an kenedhlow neb a dheuth erbynn Yerusalem a wra mos yn-bann a vlydhen dhe vlydhen dhe wordhya an Myghtern, Arloedh an luyow, ha dhe solempnya goel an skovvaow.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Yowann 6:45

Skrifys yw y'n brofoesi, “Hag i oll a vydh dyskys gans Duw.” Seul a woslow orth an Tas ha dyski anodho, a dheu dhymmo vy.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 13:42

Hag i ow mos yn-mes, an bobel a's pysis may fe an geryow ma kewsys orta an nessa sabot.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;