Mika 4:12 - An Bibel Kernewek 20234 (Kernewek Kemmyn)

¹² Mes ny wodhons i tybyansow an Arloedh, ny gonvedhsons y dowl, ev dh'aga huntell avel manalow dhe'n leur-drushya.

Mika 4:12 Iomraidhean Croise

Salmow 147:19

Ev a dhiskwa y er dhe Yakob, y ordenansow ha'y vreusow dhe Ysrael.

Salmow 147:20

Ny dhyghtyas kenedhel nahen yndellma, ha'y vreusow, ny's aswonnons. Gormelewgh an Arloedh.

Ysay 10:7

Mes nyns yw hemma y vodh, na ny breder y golonn yndella; mes yma yn y golonn dhe dhistrui ha dhe dreghi dhe-ves kenedhlow nag yns nebes.

Ysay 21:10

Ow fobel, drushys ha noethys, an pyth a glewis dhiworth Arloedh an luyow, Duw Ysrael, my re dherivas orthowgh.

Ysay 29:7

Ena routh oll an kenedhlow a omladh erbynn Ariel, ha pubonan a omladh er hy fynn ha'y hastell, ha'n re a wra hy reudhi, a vydh avel hunros, gwelesigeth a'n nos.

Ysay 55:8

Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 51:20

Ty yw kaspoel dhymm, ow arv vatel: genes my a vrew kenedhlow; my a dhistru gwlaskordhow;

Yeremia 51:33

Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Luk 3:17

Yma y wynsell yn y dhorn, hag ev a burj y leur-drushya, ha kuntell an ys yn y skiber, mes an kulyn ev a lesk gans tan na yllir y dhifeudhi.’