Mika 4:11 - An Bibel Kernewek 20234 (Kernewek Kemmyn)

¹¹ Ha lemmyn kenedhlow pals re omguntellas er dha bynn, ow leverel, ‘Bedhes hi disakrys, re wrello agan dewlagas mires war derroes Sion.’

Mika 4:11 Iomraidhean Croise

Salmow 129:5

Perthes meth ha bedhes treylys war-dhelergh seul a gas Sion.

Salmow 83:5

Rag i re omgusulyas keskolonn; i re wrug kevambos er dha bynn;

Ysay 10:7

Mes nyns yw hemma y vodh, na ny breder y golonn yndella; mes yma yn y golonn dhe dhistrui ha dhe dreghi dhe-ves kenedhlow nag yns nebes.

Ysay 17:12

Ogh tru, an tervans a lies pobel, ow terva kepar ha tervans an moryow; ha tarennans poblow kepar ha tarennans dowrow krev!

Ysay 29:7

Ena routh oll an kenedhlow a omladh erbynn Ariel, ha pubonan a omladh er hy fynn ha'y hastell, ha'n re a wra hy reudhi, a vydh avel hunros, gwelesigeth a'n nos.

Yeremia 52:4

Hag yn nawves blydhen y reyn, y'n degves mis, yn degves dydh an mis, Nebukadnessar myghtern Babylon a dheuth gans oll y lu erbynn Yerusalem, hag i a gampyas a-dro dhedhi; i a dhrehevis touryow-esedhva er y bynn oll a-dro.

Ezekiel 26:3

rakhenna yndellma y lever an Arloedh Duw: Otta, yth esov er dha bynn, A Tyr, ha my a dhre yn-bann lies kenedhel er dha bynn, kepar dell wra an mor dri y donnow yn-bann.

Ezekiel 38:17

Yndellma y lever an Arloedh Duw: A nyns yw ty neb a gewsis vy a-dro dhodho y'n dydhyow koth, dre leuv ow gwesyon profoesi Ysrael, a brofoessons lies blydhen y'n dydhyow na, my dhe'th tri er aga fynn?

Obadia 1:12

Mes ny dalvia, ty dhe vires yn heudh war dhydh dha vroder yn dydh y anfeusi, na lowenhe war vebyon Yuda yn dydh aga diswrians; na kewsel yn howtyn yn dydh aga diswrians.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.