Mika 4:10 - An Bibel Kernewek 20234 (Kernewek Kemmyn)

¹⁰ Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Mika 4:10 Iomraidhean Croise

2 Myghternedh 20:18

Re a'th vebyon dha honan a vydh kemmerys dhe-ves; i a vydh spadhesigyon yn palys myghtern Babylon.’

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 36:20

Ev a dhug yn divroedh an re re dhienksa a'n kledha, hag i eth ha bos gwesyon dhodho ha dh'y vebyon bys reyn ruvaneth Persia,

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Salmow 106:10

Hag ev a's selwis a leuv an re a's kasas, ha'ga dasprena dhiworth leuv an eskar.

Ysay 43:14

Yndellma y lever an Arloedh, dha dhasprenyer, an Sans a Ysrael: A'gas govis y tannvonav dhe Babylon, ha distrui aga fowesigyon oll, y'n gorholyon mayth esa aga kriow lowen ow tasseni.

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Yeremia 13:4

‘Kemmer an grogys a brensys, usi war dha dhiwglun, ha sav, ke dhe'n Ewfrates, ha'y gudha ena yn fols y'n garrek.’

Yeremia 15:21

Ha my a'th telirv yn-mes a leuv a'n re dhrog, ha my a'th taspren yn-mes a leuv turans.

Yeremia 29:20

Klewewgh ytho ger an Arloedh, oll hwi an dhivresow, a dhannvenis a Yerusalem dhe Babylon:

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 48:41

an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 52:27

Ha myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Hosea 13:13

An paynys a venyn yn lavur a dheu ragdho, mes ev yw mab anfur; pan dheu an prys ny yll ev dos dhe vin konna an brys.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Diskwedhyans 12:14

Ha dhe'n venyn y feu res diwaskell an er bras may halla nija a-bervedh y'n gwylvos, bys yn hy thyller mayth yw megys ena termyn ha termynyow ha hanter termyn, dhiworth fas an sarf.