Mika 3:7 - An Bibel Kernewek 20234 (Kernewek Kemmyn)

⁷ an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Mika 3:7 Iomraidhean Croise

Salmow 74:9

Ny welyn agan toknys, nyns eus profoes byth moy, ha nyns eus yn agan mysk neb a wodhvo pygemmys prys.

Eksodus 9:11

Ha ny ylli an hudoryon sevel a-rag Moyses drefenn an bryghi, rag yth esa an bryghi war an hudoryon ha'n Ejyptianys oll.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Ezekiel 24:17

Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Ezekiel 24:22

Ha hwi a wra kepar dell wrugavy; ny gudhowgh ages minvlew na dhybri bara gynoryon.

Levitikus 13:45

Ha'n klavorek hag ynno an pla, y dhillas a vydh skwardys, ha gols y benn a vydh ow kregi lows, hag ev a gudh y vinvlew ha kria ‘Avlan! Avlan!’

Amos 8:11

Otta dydhyow ow tos, yn-medh an Arloedh Duw, may tannvonav divoetter war an tir; ny vydh divoetter a vara, na syghes a dhowr, mes a glewes geryow an Arloedh.

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Mika 7:16

An kenedhlow a wel ha bos toellys a'ga galloes oll; i a worr aga diwla war aga ganow; aga diwskovarn a vydh bodhar;

Zekaria 13:4

Y'n jydh na, pub profoes a vydh methek a'y welesigeth, pan wra ev profoesa. Ny wisk mantell blew rag may toello.

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 28:15

Ena yn-medh Samuel dhe Sowl, ‘Prag y'm ankresys dhe'm dri yn-bann?’ Sowl a worthybis, ‘Yth esov yn ankres meur, rag yma an Filistysi ow patalyas orthiv, ha Duw re dreylyas dhe-ves ahanav ha ny worthyp dhymm namoy, na dre brofoesi na dre hunrosow; rakhenna my re'th helwis, may hyllydh leverel dhymm pandr'a wrav.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)