Mika 3:6 - An Bibel Kernewek 20234 (Kernewek Kemmyn)

⁶ Rakhenna, y fydh nos dhywgh, heb gwelesigeth, ha tewlder dhywgh, heb dewinieth. An howl a wra sedhi war an brofoesi, ha'n jydh a vydh du a-ughta;

Mika 3:6 Iomraidhean Croise

Salmow 74:9

Ny welyn agan toknys, nyns eus profoes byth moy, ha nyns eus yn agan mysk neb a wodhvo pygemmys prys.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 59:10

Palvala a wren war fos avel an dhellyon, ha ni a balval avel an re heb dewlagas. Ni a drebuch yn hanter-dydh kepar hag yn tewlwolow; yn mysk an re grev, yth on ni avel an re varow.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 15:9

Hi neb re dhineythis seyth a vydh ydhil: hi re dhyenas; hy howl yw sedhys pan yw hwath dydh; hi re borthas meth ha bismer; ha'n re yw gesys anedha my a dhannvon dhe'n kledha a-rag aga eskerens, yn-medh an Arloedh.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Ezekiel 13:9

Ow leuv a vydh erbynn an brofoesi usi ow kweles gwelesigethow koeg hag ow kewsel dewinieth wowek. Ny vydhons yn konsel ow fobel, na ny vydhons skrifys yn kovskrifennow chi Ysrael, na ny dhons yn pow Ysrael. Ena hwi a woer my dhe vos an Arloedh Duw.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Amos 8:11

Otta dydhyow ow tos, yn-medh an Arloedh Duw, may tannvonav divoetter war an tir; ny vydh divoetter a vara, na syghes a dhowr, mes a glewes geryow an Arloedh.

Mika 2:6

‘Na brofoesewgh yn transyek’ yn-medhons i yn transyek. ‘Ny dhegoedh profoesa a'n taklow ma; ny dheu disenor warnan.’