Mika 3:5 - An Bibel Kernewek 20234 (Kernewek Kemmyn)

⁵ Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Mika 3:5 Iomraidhean Croise

Lavarow Koth 28:21

Nyns yw ragvreusi da, byttegyns a demmik a vara gour a gammwra.

Ysay 3:12

Ow fobel, hy rewloryon a's arwask, ha benynes a's rewl. Ow fobel, dha ledyoryon a wra dhedha gwandra, ha distrui fordh dha hynsyow.

Yeremia 23:27

I a vynn gul dhe'm pobel ankevi ow hanow der aga hunrosow, a leverons an eyl dh'y gila, dell ankovas aga thasow ow hanow drefenn Baal.

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 6:4

‘Pareusewgh bresel er hy fynn; sevewgh, ha deun yn-bann y'n hanter-dydh.’ ‘Go-ni! rag an jydh a dremen, rag skeusow an gorthugher yw ystynnys.’

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Ezekiel 13:9

Ow leuv a vydh erbynn an brofoesi usi ow kweles gwelesigethow koeg hag ow kewsel dewinieth wowek. Ny vydhons yn konsel ow fobel, na ny vydhons skrifys yn kovskrifennow chi Ysrael, na ny dhons yn pow Ysrael. Ena hwi a woer my dhe vos an Arloedh Duw.

Hosea 4:5

Ty a drebuch dydhweyth, an profoes ynwedh a drebuch nosweyth, ha my a dhistru dha vamm.

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Malaki 2:8

Ha hwi a dreylyas a-dhiworth an fordh ha gul dhe lies trebuchya y'n lagha; hwi a dhefolas an kevambos gans Levi, yn-medh Arloedh an luyow.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.