Mika 3:4 - An Bibel Kernewek 20234 (Kernewek Kemmyn)

⁴ Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Mika 3:4 Iomraidhean Croise

Job 27:9

A wra Duw klewes y gri pan dheu ahwer warnodho?

Job 35:13

Yn sur ny glew Duw kri gwag, ny wra an Ollgalloesek vri anodho.

Salmow 18:41

I a grias, mes nyns esa nagonan dh'aga selwel, war an Arloedh, mes ny worthybis dhedha.

Lavarow Koth 1:28

Ena i a elow warnav, mes ny wrav vy gorthybi, i a wra ow hwilas dihwans, mes ny'm kevons.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 33:5

Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Mika 7:13

Mes an tir a vydh ynyal drefenn y drigoryon, rag frut aga gwriansow.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Matthew 7:22

Lies huni a lever dhymm y'n jydh na, “Arloedh, Arloedh, a ny wrussyn profoesa yn dha hanow jy, hag yn dha hanow tewlel yn-mes dywolow, hag yn dha hanow gul meur a oberow galloesek?”

Luk 13:25

Wosa mester an chi dhe sevel hag alhwedha an daras, ena hwi a sev an tu a-ves ow knoukya war an daras ow leverel, “Arloedh, igor dhyn”, hag ev a worthyp dhywgh ow leverel, “Ny'gas aswonnav, a-ble owgh.”

Yowann 9:31

Ni a woer na glew Duw peghadoryon, mes mars yw den gordhyer a Dhuw, hag ow kul y volonjedh, ev a wra y glewes.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

1 Samuel 8:18

Hag y'n jydh na hwi a arm drefenn agas myghtern re dhewissowgh ragowgh agas honan; mes ny'gas worthyp an Arloedh y'n jydh na.’