Mika 3:3 - An Bibel Kernewek 20234 (Kernewek Kemmyn)

³ neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Mika 3:3 Iomraidhean Croise

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Salmow 27:2

Pan dheuth an dhrogoberoryon y'm ogas dhe dhybri ow hig, ow eskerens ha'm envi, i a drebuchyas ha koedha.

Lavarow Koth 30:14

Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ezekiel 11:3

Yn-medhons, “Nyns yw ogas an termyn rag drehevel chiow; an sita yw an galter ha ni yw an kig.”

Ezekiel 24:4

Gorr ynno temmyn a gig, pub rann dha, an vordhos ha'n skoedh. Gwra y lenwel a eskern dewisys.

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Mika 2:8

Mes hwi a sev avel eskar erbynn ow fobel; hwi a dhiwisk an vantell keffrys ha'n gwisk a'n re a dremen yn sawder kepar ha tus ow tehweles dhiworth an gas.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.