Mika 2:9 - An Bibel Kernewek 20234 (Kernewek Kemmyn)

⁹ Gwragedh ow fobel a fesyowgh a'ga chiow plesont; dhiworth aga fleghesigow hwi a gemmer dhe-ves ow golewder bynitha.

Mika 2:9 Iomraidhean Croise

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Yeremia 10:20

Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Ezekiel 39:21

My a dhiskwedh ow glori yn mysk an kenedhlow, hag oll an kenedhlow a wel ow breus a wrugavy, ha'n leuv a worris warnedha.

Yoel 3:6

Mebyon Yuda ha mebyon Yerusalem hwi re werthas dhe'n Grekys, orth aga fellhe dhiworth aga oryon aga honan.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Mark 12:40

neb a lenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”