Mika 2:3 - An Bibel Kernewek 20234 (Kernewek Kemmyn)

³ Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Mika 2:3 Iomraidhean Croise

Ysay 29:20

Rag ny vydh an turant na fella, ha'n den a wra ges a dheu dhe dhiwedh, hag oll an re yw hewoel dhe wul meschyv a vydh treghys dhe-ves;

Ysay 3:16

An Arloedh a leveris: Rag bos myrghes Sion goethus, ow kerdhes gans konnaow omystynnys, ha dewlagas ardhynus, ow kerdhes gans kammow bleudh, ha'n modrewi war aga dewufern ow tynkyal;

Ysay 5:19

neb a lever ‘Fistenes, bedhes y ober uskis, ma'n gwellyn. Neses, ha des kusul Sans Ysrael, ma's aswonnyn.’

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 27:12

My a gewsis ynwedh orth Sedekia myghtern Yuda war-lergh oll an geryow ma, ow leverel, Drewgh agas konna yn-dann yew myghtern Babylon, ha'y servya ev ha'y bobel, ha bewa.

Yeremia 34:17

Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 5:5

An yew war agan konna yw poes warnan; ni a lavur, nyns eus dhyn powes vyth.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Amos 2:14

Ny vydh tyller dhe fia dhodho rag an den skav, ha'n den krev ny with y nerth, na ny yll an kasor omsawya.

Amos 3:1

Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Amos 5:13

Rakhenna, tewel a wra an den fur yn termyn a'n par na; rag droktermyn yw.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Romanyon 16:4

neb a-barth ow bewnans a beryllyas aga honna aga honan mayth aswonnyn gras dhedha, my ow honan, mes ynwedh oll eglosyow an kenedhlow;

Efesianys 5:16

ow kul devnydh a'n termyn, rag bos an dydhyow drog.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.