Mika 2:1 - An Bibel Kernewek 20234 (Kernewek Kemmyn)

¹ Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Mika 2:1 Iomraidhean Croise

Jenesis 31:29

Yma yn galloes ow leuv gul drog dhywgh; mes nyhewer an Duw a'gas tas a gewsis genev ow leverel, “Bydh war na wrylli leverel travyth dhe Yakob, na da na drog.”

1 Myghternedh 21:7

Y wreg Yezebel a leveris dhodho, ‘A ny wovernydh Ysrael? Sav, deber, ha bydh lowenek; my a re dhis gwinlann Naboth an Yezreelyas.’

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Job 15:35

I a gonsev dregynn, ha dineythi droktra, ha'ga thorr a dharbar toell.’

Job 24:14

An moldrer a sev kyns dydh-tardh may lattho an boghosek ha'n edhommek, hag y'n nos kepar ha lader yw.

Salmow 36:4

Ev a dewl dregynn war y weli; hag ev a worr y honan yn fordh nag yw da; ny hepkorr sherewneth.

Salmow 36:5

Yma dha dregeredh, A Arloedh, y'n nevow, ha'th lenduri a dhrehedh bys y'n ebron.

Salmow 58:3

An debeles yw estrenyon dhiworth an brys; i a wander yn stray kettell vons dineythys, ow kowleverel.

Lavarow Koth 12:2

Den da a gyv favour gans an Arloedh, mes gour a dhevisyow ev a dhampen.

Lavarow Koth 14:22

An ny wandrons yn sowdhan an re a dhevis drog? An re hag a dhevis da a gyv tregeredh ha gwirder.

Lavarow Koth 3:27

Na skon dader dhiworth an re y tylir dhedha, pan y'th eus galloes dh'y wul.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ysay 29:20

Rag ny vydh an turant na fella, ha'n den a wra ges a dheu dhe dhiwedh, hag oll an re yw hewoel dhe wul meschyv a vydh treghys dhe-ves;

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Ysay 59:3

Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Ezekiel 11:2

Ena ev a leveris dhymm, ‘Mab den, an re ma yw an wer usi ow prasa sherewynsi hag ow ri drog-gusul y'n sita ma.

Ezekiel 33:26

Hwi a drest yn agas kledha, hwi a wra taklow kasadow, ha pubonan a dhefol benyn y gentrevek. A eritowgh an tir?

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Ezekiel 46:18

Ny wra an pennsevik kemmeres travyth a eretons an bobel, orth aga thewlel mes a'ga ferghennogeth; ev a re eretons dh'y vebyon yn-mes a'y berghennogeth y honan, ma na vo nagonan a'm pobel diberthys dhiworth y berghennogeth.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Nahum 1:11

Yma den gyllys yn-mes ahanas, neb a dewl droktra erbynn an Arloedh, kusulyador a sherewynsi.

Zekaria 7:10

Na arweskewgh gwedhwes nag omdhivas, alyon na boghosek. Na dybewgh drog yn agas kolonn, den erbynn y vroder.

Mark 15:1

Ha desempis y'n myttin an bennoferysi a wrug omgusulyans gans an henavogyon ha'n skribys hag oll an Sanhedrin; hag i a golmas Yesu, ha'y dhoen yn-kerdh ha'y dhaskorr dhe Pilat.

Luk 20:19

Ha'n skribys ha'n bennoferysi a hwilas settya dalghenn ynno y'n eur na, mes own a's teva a'n bobel, rag i a wodhva ev dhe gewsel an barabolenn ma er aga fynn i.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Oberow 23:12

Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

Oberow 23:15

Lemmyn ytho hwi war-barth gans an konsel, pysewgh an tribun a'y dhri yn-nans dhywgh, kepar ha pan esowgh ow mynnes eksamnya y gen yn leunna; ha ni agan honan yw parys dh'y ladha kyns ev dhe nesa.’

Romanyon 1:30

sklandroryon, kasoryon Duw, tus ow tespitya, tus arvedhus, tus valgh, bostoryon, towloryon droktra, diwostydh dhe gerens,

Dewteronomi 28:32

Dha vebyon ha'th vyrghes a vydh res dhe bobel arall; dha dhewlagas a vir gans hireth ragdha oll an jydh, mes ny' fydh nerth y'th leuv.