Mika 1:8 - An Bibel Kernewek 20234 (Kernewek Kemmyn)

⁸ Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Mika 1:8 Iomraidhean Croise

2 Myghternedh 18:13

Y'n peswardhegves blydhen a vyghtern Hezekia Sennagherib myghtern Assyria a dheuth erbynn oll an sitys kerys a Yuda, ha'ga hemmeres.

Ester 4:1

Lemmyn pan wodhva Mordekay pup-tra a via gwrys, ev a skwardyas y dhillas ha gwiska yskar ha lusu, ha mos yn-mes dhe gres an sita, ow kria gans garm ughel ha hwerow.

Job 30:29

Broder ov a owrgeun, ha keskoweth a strusyow.

Salmow 102:6

My yw haval dhe belikan y'n gwylvos, my yw avel oula yn tyller a vagoroyow.

Ysay 13:21

Mes bestes gwyls a wrowedh ena, hag oulys a lenow hy chiow; strusyow a drig ena, ha boghes a derlemm ena.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 16:9

Rakhenna my a oel gans oelva Yazer rag gwinbrenn Sibma. My a'th towrha gans ow dagrow, A Heshbon hag Eleale; rag an arm war dha frutys hav ha'th trevas re hedhis.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 32:11

Krenewgh, hwi venynes yw attes; skruthewgh, hwi yw fydhyansek; omstryppyewgh ha bedhewgh lomm, grogysewgh agas diwglun gans yskar.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:19

Rag lev kynvann yw klewys yn-mes a Sion, ‘Ass on ni diswrys! meth meur a'gan beus, drefenn ni dhe asa an tir, drefenn i dhe dewlel dhe'n dor agan annedhow.’

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

1 Samuel 19:24

Hag ev ynwedh a removas y dhillas, ha profoesa a-dherag Samuel yn kepar maner. Ev a wrowedhas noeth oll an jydh na hag oll an nos na. Rakhenna leverys yw, ‘Usi Sowl ynwedh yn mysk an brofoesi?’