Mika 1:7 - An Bibel Kernewek 20234 (Kernewek Kemmyn)

⁷ Oll hy imajys gravys a vydh terrys dhe demmyn, oll hy gobrow a vydh leskys dre dan, hag oll hy imajys a dhiswrav; rag hi a's kuntellas dhiworth gober hora, ha dhe wober hora y tehwelons.

Mika 1:7 Iomraidhean Croise

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

Ysay 2:18

An idolys a dremen glan dhe-ves.

Ysay 23:17

Orth diwedh tri-ugens blydhen, an Arloedh a visit Tyr. Hi a dhehwel dh'y gober, ha gul horyans gans oll gwlaskordhow an bys war enep an nor.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ezekiel 6:6

Yn oll agas annedhow an sitys a vydh difeythys; agas tylleryow ughel a vydh distruys, may fydh agas idolys terrys ha diswrys, agas alteryow ynkys treghys dhe'n dor, ha'gas oberow defendys dhe-ves.

Hosea 2:12

My a wra difeythya hy gwinbrennyer ha'y figbrennyer, may leveris anedha, ‘Ow pewas yns i, a rosons ow haroryon dhymm.’ My a's gwra goedhel, ha bestes an gwel a's deber.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Hosea 2:5

Aga mamm a wrug avoutri, hi neb a's omdhuk re oberis yn tivlas: rag hi a leveris, ‘My a hol ow haroryon, neb a re dhymm ow bara ha'm dowr, ow gwlan ha'm lin, ow oyl ha'm diwes.’

Hosea 8:5

Ev re naghas dha leugh, Samaria! Ow sorr a loskas er aga fynn. Pes termyn ny allons kavoes glander?

Hosea 8:6

Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Yoel 3:3

I re dewlis prenn rag ow fobel, ha kenwertha mebyon rag horys, ha gwertha mowesi rag gwin, mayth effens.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Dewteronomi 23:18

Na dhro gober hora, na arveth ki, a-bervedh yn chi an Arloedh dha Dhuw rag ambos vyth, rag pyth kasadow dhe'n Arloedh yw aga dew.

Dewteronomi 9:21

Ena my a gemmeras agas peghes a wrussowgh, an leugh, ha'y leski y'n tan, orth y vrewi, orth y velyas yn teg bys may feu melys dhe dhoust; ha my a dewlis y dhoust y'n gover esa ow tiyskynna dhiworth an menydh.

Diskwedhyans 18:3

Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.

1 Samuel 5:4

Ha pan sevis tus Ashdod ternos a-varr, otta Dagon re goedhsa war y fas dhe'n dor a-dherag argh an Arloedh, hag yth esa penn Dagon ha palvow y dhiwla ow krowedha treghys dhe-ves war an treudhow; nyns esa marnas stokk Dagon gesys dhodho.