Mika 1:4 - An Bibel Kernewek 20234 (Kernewek Kemmyn)

⁴ Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Mika 1:4 Iomraidhean Croise

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 68:2

Dell yw mog pellhes, yndella gwra aga fellhe i; ha dell deudh koer a-dherag an tan, yndella es an debeles dhe goll a-dherag Duw.

Salmow 97:5

An menydhyow a deudhis avel koer a-dherag an Arloedh, a-dherag Arloedh oll an nor.

Amos 9:5

An Arloedh, Duw an luyow – ev a doch an tir ha teudhi a wra, ha myns eus trigys ynno a gyn, hag oll an tir a sev kepar ha'n Nil, ha koedha arta, kepar ha'n Nil yn Ejyp;

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Breusysi 5:4

‘Arloedh, pan ythys yn-mes a Seir, pan geskerdhsys dhiworth gwel Edom, an dor a grysyas, ha'n ebron a dhiveris, an kommolennow ynwedh a dhiveris dowr.