Mika 1:2 - An Bibel Kernewek 20234 (Kernewek Kemmyn)

² Klewewgh, hwi boblow oll! Goslow, A norvys, ha pup-tra eus ynno! Bedhes an Arloedh Duw test er agas pynn, an Arloedh a'y dempel sans.

Mika 1:2 Iomraidhean Croise

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

2 Kroniklys 18:27

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag y leveris, ‘Klewewgh, hwi boblow oll!’

Salmow 11:4

Yma an Arloedh yn y dempel sans, yma se an Arloedh y'n nevow; y dhewlagas a vir, kreghyn y dhewlagas a brev mebyon den.

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Salmow 28:2

Klew lev ow govynnadow, pan griav dhis rag gweres, pan dhrehavav ow diwleuv troha'th tempel sans.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 50:12

Mar porthen vy nown, ny lavarsen dhis, rag dhymmo vy yma oll an nor ha pup-tra eus ynno.

Salmow 50:7

Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

Lavarow Koth 8:4

‘Dhywgh, A wer, yth esov ow kelwel, hag ow kri yw dhe vebyon den.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Yeremia 22:29

A dor, dor, dor, klew ger an Arloedh.

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Yeremia 42:5

Ena i a leveris dhe Yeremia, ‘Re bo an Arloedh gwir dhustunier ha len er agan pynn mar ny wren war-lergh pup-tra a dhannvon dhyn an Arloedh dha Dhuw dredhos.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Yona 2:7

Pan glamderas ow enev ynnov, my a borthas kov a'n Arloedh, ha'm pysadow a dheuth dhis, dhe'th tempel sans.

Yona 2:8

An re a wra vri a idolys euver a forsak aga thregeredh aga honan.

Habakkuk 2:20

Mes yma'n Arloedh yn y dempel sans: tewes a-dheragdho oll an nor!

Malaki 2:14

Hwi a lever, ‘Prag?’ Rag an Arloedh yw test yntra jy ha gwreg dha yowynkneth, a-ban derrsys fydh gensi, kynth yw hi dha gowethyades, an wreg a'th kevambos demmedhyans.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Dewteronomi 32:1

Goslow nev, ha my a gews; klew, norvys, geryow ow ganow.

Diskwedhyans 2:11

Neb a'n jeffo skovarn, klewes ev an pyth a lever an Spyrys dhe'n eglosyow. Seul a fettho ny vydh pystigys der an nessa mernans.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 2:29

Neb a'n jeves skovarn, klewes ev an pyth a lever an Spyrys dhe'n eglosyow.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 3:13

Neb a'n jeffo skovarn, klewes ev an pyth a lever an Spyrys dhe'n eglosyow.

Diskwedhyans 3:22

Neb a'n jeves skovarn, klewes ev an pyth a lever an Spyrys dhe'n eglosyow.’

Diskwedhyans 3:6

Neb a'n jeves skovarn, klewes ev an pyth a lever an Spyrys dhe'n eglosyow.

Breusysi 11:10

Ha henavogyon Gilead a leveris dhe Yefthagh, ‘An Arloedh a vydh yn test yntredhon; mar ny wren war-lergh dha eryow.’