Matthew 9:6 - An Bibel Kernewek 20234 (Kernewek Kemmyn)

⁶ Mes rag may hwodhvowgh bos galloes gans Mab an den war an norvys dhe ava peghosow’, (ena ev a leveris dhe'n palsi), ‘Sav yn-bann, drehav dha weli ha ke dhe'th tre.’

Matthew 9:6 Iomraidhean Croise

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Matthew 9:2

Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Matthew 9:5

Rag pyneyl yw esya: leverel, “Gevys yw dha beghosow”, po leverel, “Sav yn-bann ha kerdh”?

Matthew 9:7

Ha wosa ev dhe sevel, ev eth dh'y dre.

Mark 2:10

Mes may hyllowgh godhvos bos dhe Vab an den galloes dhe ava peghosow war an bys’ (ev a lever dhe'n palsi)

Mark 2:7

‘Prag y kews an den ma yndella? Blasfemi a wra; piw a yll gava peghosow saw unnsel Duw?’

Luk 5:21

Ha'n skribys ha'n Fariseow a dhallathas resna, ow leverel, ‘Piw yw hemma, ow kewsel blasfemiow? Piw a yll gava peghosow saw unnsel Duw?’

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 5:27

Hag ev a ros dhodho galloes dhe vreusi, rag ev dhe vos Mab an den.

Yowann 5:8

Yn-medh Yesu dhodho, ‘Sav, kemmer dha weli yn-bann, ha kerdh.’

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Oberow 9:34

Yn-medh Peder dhodho, ‘Ayneas, Yesu Krist a'th yaghha; sav yn-bann ha kempenn dha weli.’ Hag a-dhistowgh ev a sevis yn-bann.

2 Korinthianys 2:10

Lemmyn, dhe neb a evowgh neppyth, my ynwedh a'n gwra; rag mar kwrugavy gava neppyth, my ynwedh re'n gavas ragowgh hwi yn golok Krist,

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Kolossianys 3:13

ow kodhav an eyl y gila, hag ow kava an eyl dh'y gila, mars eus krodhvol war nebonan. Kepar dell avas an Arloedh dhywgh, gwrewgh hwi yndella, ynwedh.