Matthew 9:4 - An Bibel Kernewek 20234 (Kernewek Kemmyn)

⁴ Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Matthew 9:4 Iomraidhean Croise

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Salmow 44:21

a ny hwither Duw hemma? Rag ev a woer kevrinyow an golonn.

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Matthew 12:25

Mes ev owth aswonn aga frederow a leveris, ‘Pub gwlaskor rynnys er hy fynn hy honan yw gwrys difeyth ha pub sita po chi rynnys er hy fynn hy honan ny sev.

Mark 12:15

Mes ev, owth aswonn aga falsuri, a leveris dhedha, ‘Prag y'm prevowgh vy? Drewgh dhymm dinerenn, may hallav hy gweles.’

Mark 2:8

Ha desempis Yesu pan aswonnis yn y spyrys aga bos ow resna yndella yntredha aga honan, a leveris dhedha, ‘Prag y resnowgh hwi an taklow ma yn agas kolonn?

Luk 11:17

Mes ev, ow kodhvos aga frederow, a leveris dhedha, ‘Pub ruvaneth rynnys er hy fynn hy honan yw difeythys; ha chi a goedh erbynn chi.

Luk 5:22

Mes Yesu owth aswonn aga frederow a worthybis ha leverel dhedha, ‘Pandr'a resnowgh yn agas kolonn?

Luk 6:8

Mes ev, owth aswonn aga frederow, a leveris dhe'n gour gwedhrys y leuv, ‘Sav, ha deus y'n kres.’ Hag ev a sevis yn-bann, ha sevel ena.

Luk 7:40

Ha Yesu a worthybis ha leverel dhodho, ‘Simon, yma dhymm neppyth dhe leverel dhis.’ Yn-medh ev, ‘Mester, lavar.’

Yowann 16:19

Yesu a wodhva i dhe vynnas govynn orto, hag yn-medh ev dhedha, ‘Hwi a omgusul an eyl gans y gila, rag my dhe leverel, unn pols byghan ha ny'm gwelowgh, hag arta unn pols byghan ha hwi a'm gwel.

Yowann 16:30

Lemmyn ni a woer ty dhe wodhvos pup-tra, ha nyns eus edhomm dhis may hwrello denvyth govynn orthis; rakhemma ni a grys ty dhe vos devedhys dhiworth Duw.’

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yowann 6:61

Yesu, ow konvedhes y dhyskyblon dhe grodhvolas a-dro dhe hemma a leveris dhedha, ‘A wra hemma agas sklandra?

Yowann 6:64

Mes yma re yntredhowgh neb na grysons.’ Rag Yesu a wodhva a'n dalleth piw ens i neb na gryssons, ha piw o neb a wrussa y drayta.

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.