Matthew 9:36 - An Bibel Kernewek 20234 (Kernewek Kemmyn)

³⁶ Hag ev, ow mires orth an routhow, a gemmeras truedh anedha, drefenn aga bos troblys ha diweres kepar ha deves heb bugel.

Matthew 9:36 Iomraidhean Croise

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

2 Kroniklys 18:16

Ena Mikaya a leveris, ‘My a welas oll Ysrael skattrys war an menydhyow, avel deves heb bugel, ha'n Arloedh a leveris, “Ny's teves mester, es pub onan tre yn kres.” ’

Ysay 13:14

Kepar hag ewik ownekhes, ha kepar ha deves heb denvyth dh'aga huntell, peub a dhehwel dh'y bobel, peub a fi dh'y dir y honan.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Zekaria 11:16

Awotta my a wra drehevel bugel y'n tir na wra vri a'n re usi ow mos dhe goll, na hwilas an yowynk, na sawya an shyndys; ny sosten an gwann, mes ev a dheber kig an tew, ow tenna hwath aga harnow dhe-ves.

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

Matthew 10:6

mes kyns oll ewgh dhe dheves kellys chi Ysrael.

Matthew 14:14

Ha pan diras, ev a welas routh veur, hag ev a veu movyes gans truedh ragdha, hag ev a yaghhas aga klevyon.

Matthew 15:24

Mes ev a worthybis, ow leverel, ‘Ny veuv vy dannvenys saw dhe dheves kellys chi Ysrael.’

Matthew 15:32

Ena Yesu a elwis dhodho y dhyskyblon ha leverel, ‘Yma truedh dhymm a'n routh, rag i dhe vos genev nans yw tri dydh ha nyns eus gansa travyth dhe dhybri; ny vynnav aga dannvon yn-kerdh heb dybri, ma na glamderrons war an fordh.’

Mark 6:34

Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Mark 8:2

‘Truedh a'm beus a'n routh, drefenn i dhe vos genev nans yw tri dydh, ha nyns eus gansa travyth dhe dhybri;

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Ebrowyon 5:2

Ev a yll dyghtya yn hwar an re yw heb godhvos ha kellys yn aga fordh, drefenn y vos y honan settys a-dro gans gwannder.