Matthew 9:2 - An Bibel Kernewek 20234 (Kernewek Kemmyn)

² Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Matthew 9:2 Iomraidhean Croise

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Matthew 14:27

Mes a-dhesempis Yesu a gewsis dhedha, ‘Gwellhewgh agas cher, my yw; na berthewgh own.’

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Matthew 6:12

ha gav dhyn agan kendonow kepar dell evyn ni ynwedh dh'agan kendonoryon.

Matthew 8:10

Yesu pan glewas henna, marth a'n jeva, hag yn-medh ev dhe'n re a'n siwya, ‘Yn hwir y lavarav dhywgh, ny gevis vy kemmys fydh, na hwath yn Ysrael.

Matthew 8:16

Pan o devedhys an gorthugher i a dhug dhodho lies sagh dyowl; hag ev a dewlis yn-mes an spyrysyon gans ger ha sawya oll an glevyon,

Matthew 9:22

Mes Yesu a dreylyas, hag orth hy gweles, yn-medh ev, ‘Gwellha dha jer, ow myrgh; dha fydh re'th sawyas.’ Ha'n venyn a veu sawys a'n eur na.

Matthew 9:5

Rag pyneyl yw esya: leverel, “Gevys yw dha beghosow”, po leverel, “Sav yn-bann ha kerdh”?

Matthew 9:6

Mes rag may hwodhvowgh bos galloes gans Mab an den war an norvys dhe ava peghosow’, (ena ev a leveris dhe'n palsi), ‘Sav yn-bann, drehav dha weli ha ke dhe'th tre.’

Mark 1:32

Ha devedhys an gorthugher, wosa an howl dhe sedhi, i a dhros bys dhodho oll an glevyon, ha'n re dalghennys gans dywolow;

Mark 10:49

Ha Yesu a sevis ha leverel, ‘Gelwewgh ev’, hag i a elwis an den dall, ow leverel dhodho, ‘Gwellha dha jer, sav yn-bann; ymava orth dha elwel.’

Mark 5:34

Hag yn-medh ev dhedhi, ‘Myrgh, dha fydh re'th sawyas; ke yn kres, ha bydh yagh a'th plag.’

Mark 6:50

rag i a'n gwelas yn kettep onan hag euth esa dhedha. Mes hware ev a gewsis gansa ha leverel dhedha, ‘Gwellhewgh agas cher, my yw; na berthewgh own.’

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 2:25

ha nyns esa edhomm dhodho denvyth dhe dhustunia a-dro dhe dhen; rag ev a aswonni pandra esa yn den.

Yowann 21:5

Ena yn-medh Yesu dhedha, ‘Fleghes, a nyns eus genowgh boes?’ I a worthybis dhodho, ‘Nag eus.’

Oberow 14:9

An den ma a woslowas orth Powl ow kewsel; ha Powl, ow hwithra warnodho hag ow kweles y'n jeva fydh may fe yaghhes,

Oberow 19:12

may hwarva, pan veu dres dhe'n glevyon lienyow-dorn po apronyow ha re bia orth y groghen, aga klevesow a's gasas hag yth eth an drog spyrysyon yn-mes anedha.

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Jamys 2:18

Mes nebonan a lever, ‘Yma fydh genes jy, ha gwriansow genev vy.’ Diskwa dhymm dha fydh jy heb gwriansow, ha my a vynn diskwedhes dhis ow fydh vy der ow gwriansow.