Matthew 8:3 - An Bibel Kernewek 20234 (Kernewek Kemmyn)

³ Ha Yesu owth ystynn i leuv a'n tochyas ha leverel, ‘Mynnav, bydh glan’; ha dihwans y lovryjyon a veu glanhes.

Matthew 8:3 Iomraidhean Croise

Jenesis 1:3

Hag yn-medh Duw, ‘Bedhes golow’; hag y feu golow.

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

Salmow 33:9

Rag ev a gewsis, hag yndella y feu gwrys; ev a worhemmynnis ha pup-tra a sevis yn fast.

Eksodus 4:7

Ena Duw a leveris, ‘Daskorr dha dhorn dhe'th askra.’ Ytho, ev a dhaskorras y dhorn dh'y askra; ha pan y's tennas yn-mes, otta, y feu kepar ha remenant y gig.

Matthew 12:13

Ena yn-medh ev dhe'n den, ‘Ystynn dha leuv.’ Hag ev a's ystynnas ha hi a veu restorys, yagh avel hy ben.

Mark 1:41

Hag ev, ow kemmeres truedh, a ystynnas y leuv, ha'y dochya, ha leverel dhodho, ‘Mynnav; bydh glanhes.’

Mark 4:39

Hag ev a sevis, ha keredhi an gwyns, hag a leveris dhe'n mor ‘Taw, spavennha!’ Ha'n gwyns a hedhis, hag yth esa kalmynsi meur.

Mark 5:41

Hag ow kemmeres an flogh er an leuv, ev a leveris dhedhi, ‘Talitha kumi’, dhe styrya yw, ‘Moren, y lavarav dhis, sav!’

Mark 7:34

hag ow mires war-vann troha nev, ev a hanasas, ha leverel dhodho, ‘Effatha’, henn yw, ‘Bydh igerys.’

Mark 9:25

Mes pan welas Yesu routh dhe boenya war-barth, ev a rebukyas an spyrys avlan, ow leverel dhodho, ‘Ty spyrys avlavar ha bodhar, my a ergh dhis, deus yn-mes anodho, ha na wra mos ynno namoy.’

Luk 4:27

Hag yth esa lies klavorek yn Ysrael yn termyn Elisha an profoes, mes ny veu nagonan anedha gwrys yagh marnas Naaman an Syriek.’

Luk 5:13

Hag owth ystynn y leuv ev a'n tochyas ow leverel, ‘My a vynn, bydh glanhes.’ Hag a-dhesempis an lovryjyon a'n gasas.

Luk 7:14

Hag ev a dheuth yn-rag ha tochya an eler, ha'n dhegoryon a hedhis; hag ev a leveris, ‘Den yowynk, my a lever dhis, sav yn-bann!’

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.