Matthew 8:25 - An Bibel Kernewek 20234 (Kernewek Kemmyn)

²⁵ Ha'y dhyskyblon a dheuth, hag a wrug dhodho difuna, ow leverel, ‘Arloedh, salw ni, kellys on!’

Matthew 8:25 Iomraidhean Croise

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

Salmow 10:1

Prag, A Arloedh, y sevydh a-bell? Prag yth omgelydh yn prysyow anken?

Yona 1:6

An kapten a dheuth dhodho ha leverel, ‘Dar! prag yth es'ta ow koska? Sav, galw war dha Dhuw. Martesen Duw a wra vri ahanan, ma na wryllyn mos dhe goll.’

Matthew 8:2

Hag awotta den klavorek ow tos nes a blegyas dhe'n leur a-dheragdho ha leverel, ‘Arloedh, mar mynnydh, ty a yll ow glanhe.’

Matthew 8:24

Hag awotta, annawel veur a sevis, may feu kudhys an gorhel gans tonnow, mes yth esa ev ow koska.

Matthew 9:18

Pan esa ev ow kewsel an taklow ma dhedha, unn rewler a dheuth hag omblegya a-dheragdho ow leverel, ‘Ow myrgh re verwis nammnygen; mes deus ha gorra dha leuv warnedhi, ha hi a vydh bew.’

Luk 8:24

Hag i a dheuth dhe wul dhodho difuna, ow leverel, ‘Mester, mester, kellys on!’ Ena ev a dhifunas ha keski an gwyns ha garowder an dowr; hedhi a wrussons hag yth esa kalmynsi.