Matthew 7:3 - An Bibel Kernewek 20234 (Kernewek Kemmyn)

³ Ha prag y hwre'ta mires orth an motta usi yn lagas dha vroder, mes ny verkydh an geber usi yn dha lagas dha honan?

Matthew 7:3 Iomraidhean Croise

Matthew 7:4

Po fatell yll'ta jy leverel dhe'th vroder, “Gas vy dhe denna an motta yn-mes a'th lagas”, hag awotta'n geber y'th lagas dha honan?

Matthew 7:5

Ty falswas! Kyns oll towl an geber yn-mes dhiworth dha lagas tejy hag ena y hwelydh diblans rag tewlel an motta yn-mes a lagas dha vroder.

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.