Matthew 7:24 - An Bibel Kernewek 20234 (Kernewek Kemmyn)

²⁴ ‘Pubonan ytho a woslow ow geryow ma hag a's gwra, a vydh hevelebys dhe wour fur neb a dhrehevis y ji war an garrek;

Matthew 7:24 Iomraidhean Croise

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 119:130

Diskwedhyans dha eryow a re golow; ev a re skians dhe'n re sempel.

Salmow 119:99

My a gonvedh moy ages ow dyskadoryon oll, rag my a breder yn town a'th tustuniow.

Lavarow Koth 10:25

Pan dremen an annawel nyns usi an tebelwas na fella, mes an den gwiryon yw fondys bys vykken.

Lavarow Koth 10:8

An den fur y golonn a dhegemmer gorhemmynnow, mes den foll ow klappya a dheu dhe dhiswrians.

Lavarow Koth 12:7

An debeles yw domhwelys ha nyns esons na fella, mes chi an re wiryon a sev.

Lavarow Koth 14:8

Furneth den doeth yw dissernya y fordh, mes follneth fellyon yw toell.

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 24:45

‘Piw ytho yw an kethwas lel ha fur may ros an mester dhodho charj a'y deylu rag ri dhedha aga boes yn prys ewn?

Matthew 25:2

Pymp anedha o foll ha pymp o fur.

Matthew 25:4

mes an re fur a gemmeras oyl yn lestri gans aga lugern.

Matthew 25:9

Mes an re fur a worthybis ha leverel, “Na ren, rag own na vydh oyl lowr dhyn ni ha dhywgh hwi; yn le henna, ewgh dhe'n werthoryon ha prenewgh ragowgh hwi agas honan.”

Matthew 7:25

ha'n glaw a goedhas ha'n livow a dheuth ha'n gwynsow a hwythas ha deghesi war an chi na mes ev ny goedhas, rag y vos selys war garrek.

Matthew 7:26

Ha pubonan a woslow ow geryow ma mes heb aga gul a vydh hevelebys dhe wour foll neb a dhrehevis y ji war dir tewesek;

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Yowann 13:17

Mar konvedhowgh an taklow ma, gwynn agas bys mara's gwrewgh.

Yowann 14:15

‘Mara'm kerowgh, hwi a with ow gorhemmynnow.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:14

Hwi yw ow howetha mar kwrewgh pypynag a worhemmynnav dhywgh.

Romanyon 2:13

Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.