Matthew 7:2 - An Bibel Kernewek 20234 (Kernewek Kemmyn)

² rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Matthew 7:2 Iomraidhean Croise

2 Samuel 21:5

I a worthybis dhe'n myghtern, ‘An gour neb a'gan diswrug, hag a dewlis towl dh'agan distrui ma na gyffyn tyller yn oll pow Ysrael,

Salmow 109:17

Ev a garas molleth, ha hi a dheu dhodho; ny vynnas bennath, ha pell yw hi dhiworto.

Eksodus 21:24

lagas rag lagas, dans rag dans, dorn rag dorn, troes rag troes,

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Yeremia 34:17

Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Matthew 6:14

Rag mara kwrewgh gava dhe dus aga hammwriansow, agas Tas a nev a wra gava dhy'hwi ynwedh;

Mark 4:24

Hag yn-medh ev dhedha, ‘Bedhewgh war a'n pyth a glewowgh. Gans an musur a vusurowgh, y fydh musurys dhywgh hwi: ha dhywgh hwi neb a woslow, moy a vydh res.

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

Breusysi 5:27

Ev a sedhis hag a goedhas, ev a wrowedhas stag orth hy dewdroes; orth hy dewdroes y sedhis, y koedhas; le may sedhis, ena y koedhas, marow.

1 Samuel 15:33

Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.