Matthew 6:9 - An Bibel Kernewek 20234 (Kernewek Kemmyn)

⁹ ‘Yn kettellma ytho, gwrewgh pysi: Agan Tas ni eus y'n nevow, sanshes re bo dha hanow;

Matthew 6:9 Iomraidhean Croise

2 Samuel 7:26

may fo dha hanow meurhes bys vykken y'n henlavar, “Arloedh an luyow yw Duw war Ysrael”; ha chi dha was Davydh a vydh fastys dheragos.

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

1 Kroniklys 17:24

Yndellma dha hanow a vydh fastys ha meurhes bys vykken, ha tus a lever, “Arloedh an luyow, Duw Ysrael, yw Duw Ysrael”. Ha chi dha was Davydh a vydh fastys dheragos.

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 115:3

Mes agan Duw, yma ev y'n nevow; ev re wrug kekemmys a vynnas.

Salmow 72:18

Benniges re bo an Arloedh Duw, Duw Ysrael, neb y honan a wra marthusyon;

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Ezekiel 36:23

My a sansha ow hanow meur, re beu disakrys yn mysk an kenedhlow, hag a wrussowgh y disakra yn aga mysk. Ena an kenedhlow a woer my dhe vos an Arloedh, yn-medh an Arloedh Duw, pan vydhav sanshes dredhowgh a-rag aga dewlagas.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Matthew 10:29

A nyns yw dew olvan gwerthys a unn ferdhynn? Mes nyns eus nagonan anedha a goedh dhe'n leur heb bodh agas Tas.

Matthew 23:9

Ha hwi na wrewgh gelwel denvyth y'n nor agas tas, rag onan yw agas Tas a nev.

Matthew 26:29

My a lever dhywgh, ny evav namoy alemma rag a'n frut ma a'n gwinbrenn bys y'n jydh na ma'n evav genowgh nowydh yn gwlaskor ow Thas.’

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Matthew 6:14

Rag mara kwrewgh gava dhe dus aga hammwriansow, agas Tas a nev a wra gava dhy'hwi ynwedh;

Matthew 6:6

Mes ty pan byssi, ke a-ji dhe'th chambour ha wosa degea dha dharas, gwra pysi dhe'th Tas usi yn-dann gel, ha'th Tas a wel yn-dann gel a attal dhis.

Matthew 7:11

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

Luk 15:18

My a sav yn-bann ha mos dhe'm tas ha leverel dhodho, ‘A das, my re beghas erbynn nev hag a-dheragos;

Luk 15:21

Y vab a leveris dhodho, “A Das, my re beghas erbynn nev hag a-dheragos; nyns ov wordhi na fella dhe vos gelwys dha vab.”

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Galatianys 1:1

Powl, abostol na dhiworth tus, na der unn den, mes dre Yesu Krist ha Duw an Tas neb a'n drehevis dhiworth an re varow,

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’

Diskwedhyans 5:12

ow leverel, ughel aga lev, ‘Gwiw yw an Oen a veu ledhys dhe dhegemmeres galloes, ha rychys, ha furneth, ha nerth, hag enor, ha gordhyans, ha bennath.’