Matthew 6:33 - An Bibel Kernewek 20234 (Kernewek Kemmyn)

³³ Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Matthew 6:33 Iomraidhean Croise

1 Myghternedh 17:13

Elias a leveris dhedhi, ‘Na borth own; ke ha gwra dell leversys; mes gwra dhymm kynsa tesenn vyghan ha'y dri dhymm, hag a-wosa gwra neppyth ragos ha rag dha vab.

Salmow 112:3

Kevoeth ha rychys a vydh yn y ji ev, ha'y ewnder a dhur bys vykken.

Salmow 37:25

Yowynk veuv, lemmyn koth ov vy, mes bythkweth ny welis an den gwiryon gesys, na'y has ow peggya bara.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Lavarow Koth 10:3

Ny as an Arloedh an den gwiryon dhe vos nownek, mes ev a lest ewl an tebelwas.

Lavarow Koth 28:10

Neb a gammled an re ewnhynsek yn fordh vil a goedh yn y bytt y honan, mes an re dhinamm a gyv eretons da.

Lavarow Koth 8:18

Yma rychys hag enor genev, kevoeth ow pesya ha sewena.

Ekklesiastes 10:2

Yma kolonn an den fur ryb y leuv dhyghow, hag yma kolonn an foll ryb y leuv gledh

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 4:17

Alena rag, Yesu a dhallathas pregoth ha leverel, ‘Koedhewgh yn edrek, rag gwlaskor nev re dheuth nes.’

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 12:31

Mes hwilewgh gwlaskor Duw, hag y fydh res dhywgh oll an taklow ma.

Yowann 5:4

Rag el an Arloedh e yn-nans y'n poll herwydh an seson ha trobla an dowr; ha'n kynsa den ow mos ynno wosa gwayans an dowr a veu yaghhes a by kleves pynag esa dhodho.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Oberow 20:25

‘Ha lemmyn otta, my a woer na vydh nagonan ahanowgh ow kweles ow fas na fella, mayth yth vy a-derdro yntredhowgh ow pregoth an wlaskor.

Oberow 28:31

ow pregoth gwlaskor Duw hag ow tyski an taklow a-dro dhe'n Arloedh Yesu Krist, gans pub hardhder ha heb lett.

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

1 Korinthianys 3:22

kyn fo Powl po Apollos po Kefas po an bys po bewnans po ankow po taklow y'n dydhyow ma po traow a dheu – oll an re ma yw dhywgh hwi,

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

2 Thessalonianys 1:5

Tokyn diblans yw a vreus gwiryon Duw, may hyllowgh bos degemmerys gwiw dhe wlaskor Duw, mayth esowgh ow kodhevel ragdho.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

2 Peder 1:11

Rag yndella, y fydh grontys dhywgh hwi yn rych dhe entra dhe wlaskor heb diwedh agan Arloedh ha'gan Selwyas Yesu Krist.