Matthew 6:26 - An Bibel Kernewek 20234 (Kernewek Kemmyn)

²⁶ Mirewgh orth ydhyn an ayr: ny wrons i gonis has na mysi na kuntell travyth yn skiberyow, hwath agas Tas a nev a's mag. A nyns owgh hwi moy agas pris agessa i?

Matthew 6:26 Iomraidhean Croise

Jenesis 6:21

Ha kemmer dhis neppyth a bub eghenn a voes a vo dybrys, ha ty a wra y guntell dhis; hag y fydh boes ragos jy ha ragdha i.’

Job 35:11

neb a dhysk dhyn moy ages bestes an norvys, ha gul dhyn bos furra ages an ydhyn y'n ayr?”

Job 38:41

Piw a bareus an preydh rag an vran-vras, pan gri hy fleghes orth Duw, ha gwandra a-dro drefenn fowt a voes?

Salmow 147:9

Ev a re dhe'n gwarthek aga boes, ha dhe ydhnigow an varghvran pan elwons.

Salmow 50:11

My a aswonn oll ydhyn an menydhyow, ha dhymmo vy yma bestes an gwelyow.

Matthew 6:32

Rag oll an taklow ma, an kenedhlow a's hwila; ha'gas Tas a nev a woer bos edhomm dhywgh a oll an taklow ma.

Matthew 7:9

Po py den eus ahanowgh, orto mar kovynn y vab bara, a re dhodho men?

Luk 12:18

Hag yn-medh ev, “Hemma a wrav; my a denn dhe'n dor ow skiberyow ha drehevel brassa, ha kuntell ena oll an greun ha'm pythow,