Matthew 6:2 - An Bibel Kernewek 20234 (Kernewek Kemmyn)

² ‘Rakhenna ty pan rylli alusen, na hwyth korn a-dheragos kepar dell wra an falswesyon a-bervedh y'n synagys hag y'n stretys, may hallons kavoes gordhyans dhiworth tus. Yn hwir y lavarav dhywgh, i re's teva aga gober.

Matthew 6:2 Iomraidhean Croise

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 37:21

An tebelwas a gyv kendon ha ny attal, mes an den gwiryon yw grassyes ha hel.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 20:6

Lies den yw gelwys gour tregeredhus, mes gour lel, piw a yll y gavoes?

Ekklesiastes 11:2

Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Matthew 15:7

Hwi falswesyon, yn ta y profoesas Ysay ahanowgh, ow leverel,

Matthew 16:3

hag y'n myttin, “Hager-awel y fydh hi hedhyw rag an ebron yw rudh ha tewl.” Hwi a woer dissernya enep an ebron, mes a ny yllowgh dissernya toknys an termynyow?

Matthew 22:18

Mes Yesu, ow kodhvos aga droktra a leveris, ‘Prag y'm prevowgh vy, hwi falswesyon?

Matthew 23:5

Oll aga oberow i a wra rag bos gwelys gans tus; rag i a ledanha aga fylakteriow ha hirhe pilennow aga gwisk.

Matthew 23:6

I a gar an penn-esedhow yn kevewiow ha'n penn-esedhow y'n synagys,

Matthew 24:51

Ev a wra y gessydhya yn tynn hag ordena dhodho le gans an falswesyon. Ena y fydh oelva ha skrinva dyns.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Matthew 6:3

Mes ty pan rylli dha alusen, na as dha leuv gledh dhe wodhvos pandr'a wra dha leuv dhyghow,

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Matthew 7:5

Ty falswas! Kyns oll towl an geber yn-mes dhiworth dha lagas tejy hag ena y hwelydh diblans rag tewlel an motta yn-mes a lagas dha vroder.

Mark 12:39

ha penn-esedhow y'n synagys, ha penn-esedhow y'n kevewiow,

Mark 7:6

Mes ev a worthybis dhedha, ‘Yn ta y profoesas Ysay ahanowgh hwi, an falswesyon, dell yw skrifys: “An bobel ma a'm enor gans aga diwweus, mes pell yw aga holonn a-dhiworthiv;

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Luk 11:43

Go-hwi Fariseow, rag hwi a gar an penn-esedhow y'n synagys ha salusyansow y'n marghasow.

Luk 12:33

Gwerthewgh agas pythow ha rewgh alusen. Gwrewgh porsys dhywgh agas honan na vydhons koth, tresor y'n nevow na fyll nevra, le na dheu lader dhodho na ny wra goedhan y dhistrui.

Luk 12:56

Hwi falswesyon, hwi a woer dissernya enep an nor ha'n nev, ytho fatell na wodhowgh dissernya an termyn ma?

Luk 13:15

An Arloedh a worthybis dhodho ha leverel, ‘Falswesyon, a ny wra pubonan ahanowgh y'n sabot digelmi y ojyon po y asen a'n presep ha'y hembronk dhe-ves rag gul dhodho eva?

Luk 20:46

‘Bedhewgh war a'n skribys, neb a vynn kerdhes a-dro yn gwiskas hir, hag a gar salusyansow y'n marghasow, ha penn-esedhow y'n synagys ha penn-esedhow yn kevewiow,

Luk 6:24

Mes go-hwi an re rych, rag hwi re dhegemmeras agas konfort.

Luk 6:42

Po fatell yllydh leverel dhe'th vroder, “Broder, gas vy dhe gemmeres an motta yn-mes a'th lagas”, mes ty dha honan ny welydh an geber usi y'th lagas jy? Ty falswas! Kyns oll, kemmer an geber yn-mes a'th lagas jy, hag ena ty a wel diblans dhe gemmeres yn-mes an motta usi yn lagas dha vroder.

Yowann 13:29

Rag re a dybis, drefenn Yudas dhe witha an pors, Yesu dhe leverel dhodho, ‘Pren an taklow usi edhomm dhyn anedha rag an goel’; po may rolla neppyth dhe'n voghosogyon.

Yowann 5:41

Ny dhegemmerav enor dhiworth tus,

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 10:2

gour kryjyk, neb a'n jeva own a Dhuw gans y vayni oll, ow ri alusenow yn hel dhe'n bobel ha prest ow pysi war Dhuw.

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Oberow 10:4

Ev a viras stark orto, ha kemmerys gans own ev a leveris, ‘Pandra, ytho, Arloedh?’ Hag ev a leveris dhodho, ‘Dha bysadow ha'th alusenow re yskynnas avel kovadh dherag Duw.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Oberow 24:17

Lemmyn wosa lies blydhen my a dheuth rag dri alusenow dhe'm pobel ha rag gul offrynnow.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Romanyon 12:8

neb a gennerth, re gennertho neb a gevrenn, re gevrenno yn sempledh; neb a hembronk, re hembronko yn tiwysyk; neb a dhiskwa tregeredh, re bo gans lowena.

1 Korinthianys 13:3

Ha mar rannen ow fythow oll, ha mar rollen ow horf dh'y leski, ha my heb kerensa, ny via kammenn dhe'm les.

Galatianys 2:10

marnas i a vynnas orthyn perthi kov a'n voghosogyon, an keth tra may feu hwans dhymm dh'y wul.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

1 Thessalonianys 2:6

Ny wrussyn hwilas gordhyans dhiworth mab-den, na dhiworthowgh hwi na dhiworth tus erell,

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

Filemon 1:7

Rag my a gavas meur a lowena ha konfort y'th kerensa, drefenn kolodhyon an syns dhe vos kennerthys dredhos, a vroder.

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.

1 Samuel 15:30

Ena Sowl a leveris, ‘My re beghas; hwath enor dhymm lemmyn a-dherag henavogyon ow fobel hag a-dherag Ysrael, ha dehwel genev, may hallav gordhya dha Dhuw.’