Matthew 5:7 - An Bibel Kernewek 20234 (Kernewek Kemmyn)

⁷ ‘Gwynn aga bys an re yw tregeredhus, rag i a gyv tregeredh.

Matthew 5:7 Iomraidhean Croise

2 Samuel 17:28

a dhros gweliow, basonyow, ha lestri a bri; ynwedh gwaneth, heydh, bleus, ys rostys, fav, ha lentilow,

2 Samuel 22:26

Gans an den lel ty a vydh lel; gans an gour divlam ty a vydh divlam.

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 18:25

Gans an den tregeredhus ty a vydh tregeredhus; gans an gour divlam ty a vydh divlam.

Salmow 37:26

Oll an jydh ev yw grassyes hag a re kendon, hag yma bennath war y has.

Lavarow Koth 11:17

Gour yw kuv a wra dader dhodho y honan, mes neb yw fell a dhre trobel dh'y gig y honan.

Lavarow Koth 11:25

Den hel a dhegemmer blonek, ha neb a dhowrha a vydh dowrhes.

Lavarow Koth 14:21

Neb a dhispres y gentrevek yw peghador, mes gwynn y vys neb yw kuv orth an voghosogyon.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Hosea 2:1

Leverewgh dh'agas breder, ‘Ammi’, ha dh'agas hwerydh, ‘Ruhama.’

Hosea 2:23

My a wra hy flansa ragov y'n tir. My a gemmer truedh a Lo-ruhama, ha leverel dhe Lo-ammi ‘Ty yw Ow fobel’; hag ev a lever, ‘Ty yw ow Duw.’

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Mark 11:25

‘Ha peskweyth may seffowgh dhe bysi, gevewgh hwi, mara'gas beus travyth erbynn nebonan, rag may haffo agas Tas eus yn nevow dhywgh hwi agas kammweythresow.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Romanyon 11:30

Rag dell ewgh hwi kyns diwostydh dhe Dhuw mes lemmyn re gevsowgh tregeredh der aga diwostytter,

1 Korinthianys 7:25

Lemmyn a-dro dhe wyrghesow, nyns eus dhymm gorhemmynn a'n Arloedh, mes ow brys a rov avel onan neb yw lel, dre dregeredh an Arloedh.

2 Korinthianys 4:1

Rakhenna, a-ban eus dhyn an menystrans ma, kepar dell gevsyn tregeredh, ny dheun ha bos digolonnek,

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

1 Timothi 1:13

kyn hwren vy blasfemya kyns, ha helghya, hag arvedh. Mes my a gavas tregeredh, rag my a wrug hemma heb godhvos, yn diskryjyans.

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

1 Peder 2:10

Ny vewgh hwi pobel seulabrys, mes lemmyn pobel Duw owgh hwi. Ny dhegemmersowgh piteth, mes lemmyn piteth re dhegemmersowgh.