Matthew 5:30 - An Bibel Kernewek 20234 (Kernewek Kemmyn)

³⁰ ha mar kwra dha leuv dhyghow dha sklandra, trogh hi dhe-ves ha towl hi dhiworthis, rag y fydh dhe les dhiso onan a'th eseli dhe vos dhe goll, ha na vo tewlys oll dha gorf yn ifarn.

Matthew 5:30 Iomraidhean Croise

Matthew 11:6

ha gwynn y vys neb na vo sklandrys ynnov vy.’

Matthew 13:21

Byttegyns nyns eus ganso gwreydhenn ynno y honan hag ev ny bes saw pols byghan, ha pan dheffo trobel po helghyans drefenn an ger, ev a drebuch desempis.

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 17:27

Mes, ma na wryllyn aga sklandra, ty gwra mos dhe'n mor ha tewl higenn ha kemmer an kynsa pysk a dheu yn-bann. Wosa ty dhe igeri y anow y kevydh stater. Kemmer henna ha ro dhedha ragov vy ha ragos jy.’

Matthew 18:8

Mar kwra dha leuv po dha droes dhis trebuchya, trogh ev ha tewl ev dhiworthis; gwell yw dhis mos a-bervedh yn bewnans mans po evredhek ages ty dhe vos tewlys yn tan nevra a bys ha'th tiwleuv po dha dhewdroes genes.

Matthew 22:13

Ena yn-medh an myghtern dhe'n servysi, “Kelmewgh y dhewdroes ha'y dhiwla ha tewlewgh ev y'n tewolgow pella. Ena y fydh oelva ha skrinva dyns”

Matthew 25:20

Hag ev neb a gavsa an pymp talent a dheuth yn-rag, hag a dhros pymp talent moy, ow leverel, “Mester, pymp talent ty a res dhymmo; ottomma pymp moy a wrugavy yn prow dhedha.”

Matthew 26:31

Ena yn-medh Yesu dhedha, ‘Oll hwi a vydh sklandrys ahanav vy y'n nos ma, rag skrifys yw, “My a wra gweskel an bugel ha deves an flokk a vydh skattrys.”

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Matthew 5:29

Ha dha lagas dyghow mar kwra dha sklandra, tenn e mes ha towl e dhiworthis; rag y fydh dhe les dhis onan a'th eseli dhe vos dhe goll, ha na vo tewlys oll dha gorf yn ifarn;

Mark 9:43

Ha'th leuv mar kwra dhis trebuchya, trogh hi mes; gwell yw dhis entra mans dhe vewnans, ages mos yn ifarn ha genes diw leuv, y'n tan nevra na vydh difeudhys,

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Luk 17:2

Gwell via ragdho men-melin dhe vos gorrys a-dro dh'y gonna hag ev dhe vos tewlys y'n mor, kyns ev dhe wul onan a'n re vyghan ma dhe drebuchya.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

1 Korinthianys 8:13

Rakhenna, boes mar lett ow broder, nevra ny wrav vy dybri kig rag dout my dhe wul dhodho trebuchya.

Galatianys 5:11

Mes my, a vreder, mar pregowthav vy hwath an trodreghyans, prag yth ov vy helghys hwath? Offens an grows re beu defendys ytho.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.