Matthew 5:3 - An Bibel Kernewek 20234 (Kernewek Kemmyn)

³ ‘Gwynn aga bys an re yw boghosek yn spyrys, rag dhedha i yw gwlaskor nev.

Matthew 5:3 Iomraidhean Croise

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

2 Kroniklys 7:14

mar omuvelha ow fobel yw henwys gans ow hanow, ha pysi ha hwilas ow fas ha treylya dhiworth aga fordhow drog, ena my a glew a nev, ha my a av dhedha aga fegh ha yaghhe aga thir.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 1:1

Gwynnvys an gour na gerdh yn kusul an debeles, ha na sev yn fordh peghadoryon, ha na esedh yn esedhva an re a wra ges;

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Salmow 128:1

Gwynn y vys seul a berth own a'n Arloedh, seul a gerdh yn y fordhow.

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 34:18

Yma an Arloedh ogas dhe'n re trogh aga holonn, hag ev a selow an re keudhesik aga spyrys.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Salmow 51:17

Sakrifisow Duw yw spyrys trogh; kolonn drogh ha keudhesik, A Dhuw, ny dhispresydh.

Salmow 84:12

A Arloedh an luyow, gwynnvys an den a worr y fydhyans ynnos jy.

Lavarow Koth 16:19

Gwell yw bos uvel an spyrys gans an voghosogyon ages kevrenna an preydh gans an re woethus.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Lavarow Koth 8:32

‘Ha lemmyn, a vebyon, goslowewgh orthiv, gwynnvys an re hag a with ow fordhow.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 11:6

ha gwynn y vys neb na vo sklandrys ynnov vy.’

Matthew 13:16

Mes gwynnvys agas lagasow hwi rag y hwelons, ha'gas skovornow hwi rag y klewons.

Matthew 19:14

Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’

Matthew 24:46

Gwynn y vys an kethwas na, a wra y arloedh y gavoes ow kul yndella pan dheffo.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 8:11

Ha my a lever y teu meur a dus dhiworth an howldrevel ha'n howlsedhes hag esedha orth moes gans Abraham hag Ysak ha Yakob yn gwlaskor nev,

Mark 10:14

Mes pan welas Yesu henna, ev a veu serrys, hag a leveris dhedha, ‘Gesewgh an fleghesigow dhe dhos dhymmo vy, ha na wrewgh aga lettya, rag dhe re a'n par ma yw gwlaskor Duw.

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Luk 18:14

My a lever dhywgh, an den ma a dhehwelis tre justifiys, a-der an den arall; rag peub a omughelha a vydh dres isel, mes neb a omiselha a vydh ughelhes.’

Luk 22:29

ha my a apoynt dhywgh gwlaskor, kepar dell y's apoyntyas ow Thas dhymmo vy,

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Yowann 20:29

Yn-medh Yesu dhodho, ‘Rag ty dhe'm gweles ty re gryssys; gwynnvys kemmys na'm gwelas, mes i a grys.’

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Jamys 1:10

ha'n den rych yn y uvelder, rag ev a dremen kepar ha bleujenn wyls.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.