Matthew 5:24 - An Bibel Kernewek 20234 (Kernewek Kemmyn)

²⁴ gas ena dha ro a-dherag an alter, ha ke yn-kerdh; kyns oll, bydh unnverhes gans dha vroder hag ena deus dhe offrynna dha ro.

Matthew 5:24 Iomraidhean Croise

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Lavarow Koth 25:9

Dadhel dha gen gans dha gentrevek y honan, ha na dhiskudh kevrin den arall,

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Matthew 5:23

Ytho mars esos ow profya dha ro dhe'n alter hag ena ty a berth kov bos gans dha vroder neppyth er dha bynn,

Mark 9:50

Hoelan yw da; mes mar teu an hoelan ha bos heb blas, gans pandra y fydh ev sawrys? Bedhes genowgh hoelan ynnowgh agas honan, ha bedhes genowgh kres, an eyl gans y gila.’

1 Korinthianys 11:28

Mes preves den y honan, hag ena dybres a'n bara hag eves a'n hanaf;

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.