Matthew 5:15 - An Bibel Kernewek 20234 (Kernewek Kemmyn)

¹⁵ na ny wra tus enowi lugarn ha'y gorra yn-dann vushel, mes war an kantolbrenn, ha hi a re golow dhe gemmys a vo y'n chi.

Matthew 5:15 Iomraidhean Croise

Eksodus 25:37

Ha ty a wra an seyth lugarn ragdho; ha'n lugern a vydh settys may rollons golow war an spas a-ragdho.

Zekaria 4:2

Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.

Niverow 8:2

Lavar dhe Aron, Pan settydh an lugern, an seyth lugarn a re golow a-rag an kantoler.

Mark 4:21

Hag ev a leveris dhedha, ‘Yw lugarn dres may haller y worra yn-dann vushel, po yn-dann weli? A nyns yw rag y settya war an kantolbrenn?

Luk 11:33

‘Ny wra denvyth, wosa enowi lugarn, y worra yn tyller kudh po yn-dann vushel, mes war wolowbrenn, may hwrello an dus a dheu a-ji gweles an golow.

Luk 11:36

Ytho mars yw oll dha gorf leun a wolow, heb bos rann anodho yn tewlder, y fydh leun a wolow kepar ha pan wra lugarn dha wolowi gans y splannder.’

Luk 8:16

‘Denvyth wosa enowi lugarn ny'n kudh yn-dann lester, po y worra yn-dann weli, mes ev a'n gorr war wolowbrenn, rag may hallo an dus a dheu a-ji gweles an golow.

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

Ebrowyon 9:2

Rag tabernakel a veu pareusys, an onan war-ves, hag ynno an kantoler ha'n voes ha ragworrys torthow an wolok – hemm yw henwys an Sentri;

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.