Matthew 4:7 - An Bibel Kernewek 20234 (Kernewek Kemmyn)

⁷ Yesu a leveris dhodho, ‘Arta skrifys yw, “Ny wredh temptya an Arloedh dha Dhuw.” ’

Matthew 4:7 Iomraidhean Croise

Salmow 106:14

Mes drokhwans krev a dheuth warnedha y'n difeyth; hag i a brovas Duw y'n gwylvos.

Salmow 78:18

I a brovas Duw yn aga holonn, ow kovynn boes rag aga ewl.

Salmow 78:41

I a dreylyas, ha previ Duw yn aga holonn, ha paynya an Sans a Ysrael.

Salmow 78:56

Mes i a brovas hag a sorras Duw Ughella, ha ny synsons y dhustuniow;

Salmow 95:9

Pan y'm temptyas agas tasow ha'm previ, kyn hwelsens ow oberow.

Eksodus 17:2

Ytho an bobel a gablas Moyses, ha leverel, ‘Ro dhyn ni dowr dh'y eva!’ Ha Moyses a leveris dhedha, ‘Prag y hwrewgh strivya genev? Prag y hwrewgh previ an Arloedh?’

Eksodus 17:7

Hag ev a elwis hanow an tyller Massa ha Meriba, drefenn strif mebyon Ysrael, ha drefenn i dhe brevi an Arloedh, ow leverel, ‘Usi an Arloedh yn agan mysk po na?’

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Malaki 3:15

Mes lemmyn ni a elow an re orgelus gwynnvys. Devri, drogoberoryon re sewenis, hag ynwedh an re a dhefias Duw a dhienkas.’

Niverow 14:22

nagonan re welas ow golewder ha'm toknys hag a wrug vy yn Ejyp hag y'n gwylvos, ha hwath a'm gorras dhe'n prov an deg treveth ma ha ny glewas ow lev,

Matthew 21:16

hag yn-medhons dhodho, ‘A glewydh pandr'a lever an re ma?’ Mes Yesu a leveris dhedha, ‘Klewav. A ny wrussowgh bythkweth redya hemma, “Yn-mes a anow fleghesigow ha'n re ow tena ty re ordenas gormola”?’

Matthew 21:42

Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Matthew 4:4

Mes ev a worthybis ow leverel, ‘Skrifys yw, “Mab-den ny wra bewa unnsel orth bara, saw orth pub ger a dheu yn-mes a anow Duw.” ’

Luk 4:12

Ha Yesu a worthybis ha leverel dhodho, ‘Leverys yw, “Ny goedh dhis temptya an Arloedh dha Dhuw.” ’

Oberow 15:10

Lemmyn, ytho, prag y prevowgh hwi Duw, ow korra war gonna an dhyskyblon yew na allas na'gan tasow na ni hy ferthi?

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

1 Korinthianys 10:9

Ny goedh dhyn previ Krist par dell wrug rann anedha, hag a vons distruys gans serf;

Dewteronomi 6:16

Na brevewgh an Arloedh agas Duw kepar dell y'n prevsowgh orth Massa.

Ebrowyon 3:9

le ma'm gorras agas tasow dhe'n prov, ha gweles ow oberow dres dewgens blydhen.