Matthew 4:1 - An Bibel Kernewek 20234 (Kernewek Kemmyn)

¹ Ena Yesu a veu hembrenkys yn-bann dhe'n gwylvos gans an Spyrys dhe vos temptys gans an jowl.

Matthew 4:1 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 3:12

Ena an Spyrys a'm drehevis, ha my a glewas a-dryv dhymm son grommyans bras, pan sevis glori an Arloedh a'y le,

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Romanyon 8:14

Rag myns a hembrenkir gans Spyrys Duw mebyon Duw yth yns.

Ebrowyon 2:18

Rag drefenn ev y honan dhe wodhevel ha bos temptys, ev a yll gweres dhe'n re a vydh temptys.

Jamys 1:14

Mes prevys yw pub den yw tennys ha dynys der y dhrokhwansow ev.