Matthew 3:7 - An Bibel Kernewek 20234 (Kernewek Kemmyn)

⁷ Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Matthew 3:7 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Lavarow Koth 28:4

An re a forsak an lagha a wormel an tebelwas, mes an re yw gostydh dhe'n lagha a striv er aga fynn

Ysay 59:5

Gori oyow nader a wrons, ha gwias gwiasow kevnis; neb a dheber aga oyow a verow, hag oy, mars yw brewys, a dhre nader yn-mes.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Matthew 12:24

Mes an Fariseow pan y'n klewsons a leveris, ‘Ny dewl an den ma an dhywolow yn-mes saw dre Belzebul, pryns an dhywolow.’

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 15:12

Ena an dhyskyblon a dheuth ha leverel dhodho, ‘A wodhesta bos an Fariseow sklandrys ow klewes an lavar na?’

Matthew 16:1

Ha'n Fariseow ha'n Sadukeow a dheuth dhodho, ha rag y brevi i a wovynnas orto may tiskwettha dhedha tokyn a nev.

Matthew 16:6

Ha Yesu a leveris dhedha, ‘Omwithewgh ha bedhewgh war a woell an Fariseow ha'n Sadukeow.’

Matthew 22:15

Ena an Fariseow a omdennas ha kemmeres kusul fatell wrellens y vaglenna yn y lavarow.

Matthew 22:23

Y'n keth jydh na y teuth dhodho Sadukeow neb a lever nag eus dasserghyans, hag i a wovynnas orto

Matthew 22:34

Ha'n Fariseow wosa klewes ev dhe wul dhe'n Sadukeow tewel, a omguntellas war-barth,

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Matthew 5:20

Rag my a lever dhywgh, marnas agas ewnder a vo moy ages henna a'n skribys ha'n Fariseow, ny wrewgh mos a-bervedh yn gwlaskor nev.

Mark 12:13

Hag i a dhannvonas dhodho re a'n Fariseow ha'n Herodianys, may hallens y vaglenna yn y lavarow.

Mark 12:18

Hag y teuth dhodho Sadukeow, neb a lever nag eus dasserghyans, hag yth esens ow kovynn orto, ow leverel,

Mark 8:15

Hag ev a erghis dhedha, ‘Omwithewgh, bedhewgh war a woell an Fariseow hag a woell Herod.’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Luk 7:30

Mes an Fariseow ha'n laghysi a skonyas towl Duw ragdha, hag i heb bos besydhys ganso.

Yowann 1:24

An re dannvenys a veu dhiworth an Fariseow.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Yowann 9:40

Ha re a'n Fariseow neb esa ganso a glewas hemma, ha leverel dhodho, ‘On ni ynwedh dall?’

Oberow 15:5

Mes re a sekt an Fariseow, neb re gryssa, a sevis yn-rag, ow leverel, ‘Y telledh ni dh'aga throdreghi hag erghi dhedha gwitha lagha Moyses.’

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

Oberow 26:5

I re'm aswonnis termyn hir, mar mynnons desta, my dhe vewa avel Farise, herwydh an sekt an moyha straght yn agan kryjyans.

Oberow 5:17

Ena y sevis an arghoferyas ha myns esa ganso, henn yw parti an Sadukeow, lenwys a avi,

Romanyon 1:18

Rag diskwedhys yw sorr Duw dhiworth nev erbynn oll ansansoleth ha kammhynseth a dus a lett an gwirder yn kammhynseth.

Romanyon 5:9

Ytho a-ban on justifiys gans y woes, dhe voy y fydhyn selwys dredho a gonnar Duw.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.