Matthew 3:6 - An Bibel Kernewek 20234 (Kernewek Kemmyn)

⁶ hag yth esens i ow pos besydhys ganso y'n Yordan, ow yes aga feghosow.

Matthew 3:6 Iomraidhean Croise

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Levitikus 16:21

Hag Aron a worr y dhiwleuv war benn an bogh bew ha konfessya warnodho kammweythresow oll mebyon Ysrael hag oll aga threuspassow, oll aga feghosow, orth aga gorra war benn an bogh, hag ev a'n dannvon dhe-ves dre leuv gour yw parys, bys y'n difeythtir.

Levitikus 26:40

Ha mar konfessyons aga hammweyth ha kammweyth aga thasow, gans aga dislelder a wrussons er ow fynn, hag ynwedh ow kerdhes kontrari dhymm,

Niverow 5:7

ev a avow y begh hag a wrug; hag ev a wra leun dhaskorrans a'y gammweyth, ow keworra pympes rann dhodho, orth y ri dhe neb a wrug an kammweyth.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Mark 1:5

Hag yth e yn-mes bys dhodho oll an pow a Yudi, hag oll tus Yerusalem, hag yth esens besydhys ganso y'n avon Yordan, ow yes aga feghosow.

Luk 1:16

hag ev a dreyl lies huni a vebyon Ysrael dhe'n Arloedh aga Duw.

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Oberow 1:5

‘Rag Yowann a vesydhyas gans dowr, mes kyns lies dydh besydhys vydhowgh gans an Spyrys Sans.’

Oberow 11:16

Ha my a borthas kov a er an Arloedh, pan leveris, “Yn tevri Yowann a vesydhyas gans dowr, mes besydhys vydhowgh hwi y'n Spyrys Sans.”

Oberow 19:18

Ha meur a'n re neb a grysis a dheuth ha yes ha derivas aga oberow.

Oberow 22:16

Lemmyn, prag y hokydh? Sav yn-bann, bydh besydhys ha golgh dhe-ves dha beghosow, ow kelwel war y hanow.”

1 Korinthianys 10:2

hag oll a veu besydhys yn Moyses, y'n gommolenn hag y'n mor,

Kolossianys 2:12

Ynkleudhys vewgh ganso yn besydhyans may fewgh drehevys ynwedh ganso der oberyans Duw, neb a'n drehevis dhiworth an re varow.

Ebrowyon 6:2

gans dyskans a-dro dhe vesydhyansow, gorrans diwleuv, dasserghyans an re varow, ha breus bys vykken.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Yoshua 7:19

Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.