Matthew 3:12 - An Bibel Kernewek 20234 (Kernewek Kemmyn)

¹² Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Matthew 3:12 Iomraidhean Croise

Job 21:18

Peskweyth yth yns kepar ha kala' a-rag an gwyns, ha kepar ha kulyn degys dhe-ves gans an tewedh?

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 35:5

Bedhens i avel kulyn a-dherag an gwyns, hag el an Arloedh orth aga herdhya.

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 27:4

Nyns ov vy serrys. A pe spedhas ha spern, y keskerdhsen er aga fynn yn batel ha'ga leski oll yn tien.

Ysay 28:28

Greun yw melys rag bara, mes ny wra an drushyer drushya bys vykken; ros y gert a rol warnodho, mes ny wra y vergh y vala.

Ysay 30:24

an oghen ha'n asenes a wonedh an dor a dheber boes ha bara an gog lesys dre bal ha forgh.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Yeremia 15:7

Ha my a's gwynsell gans forgh-dhrushya yn yetow an tir; my a's gwrug anvap, my a dhistru ow fobel, a-ban na dhehwelsons a'ga fordhow.

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 4:11

Y'n termyn na y fydh leverys dhe'n bobel ma ha dhe Yerusalem: Gwyns toemm a'n ugheldiryow moel y'n gwylvos war-tu ha myrgh ow fobel, mes ny vydh dhe groedra, na dhe lanhe;

Yeremia 51:2

ha my a dhannvon gwynselloryon dhe Babylon, hag i a's gwynsell. I a wakha hy thir pan dhons er hy fynn a bub tu yn dydh an ahwer.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Amos 9:9

Rag otta, my a worhemmynn, ha shakya chi Ysrael yn mysk an gwlasow, kepar ha shakya kroeder, ha ny goedh bilienn vyth dhe'n leur.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Matthew 13:30

Gesewgh an dhew dhe devi war-barth bys y'n drevas hag yn prys an drevas my a lever dhe'n vysoryon, Kyns oll kuntellewgh war-barth an ivra ha'y gelmi yn manalow rag y leski, mes kuntellewgh an ys y'm skiber.” ’

Matthew 13:41

Mab an den a vynn dyllo y eledh hag i a guntell yn-mes a'y wlaskor pub acheson a drebuchya, ha'n re a wra anlaghedh,

Matthew 13:42

hag a's tewl yn fornes tan; ena y fydh oelva ha skrinva dyns.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Luk 3:17

Yma y wynsell yn y dhorn, hag ev a burj y leur-drushya, ha kuntell an ys yn y skiber, mes an kulyn ev a lesk gans tan na yllir y dhifeudhi.’

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.